ອາເມລິກາຂໍໃຫ້ພົນລະເມືອງ ອອກຈາກສປປ ເກົາຫລີ ໂດຍໄວ
August 3, 2017 - 6:19 PM
ທາງການອາເມລິກາຮຽກຮ້ອງໃຫ້ຄົນອາເມລິກາຢູ່ ສປປ ເກົາຫລີ ເດີນທາງອອກຈາກປະເທດໂດຍໄວ ກ່ອນຄຳສັ່ງຫ້າມການເດີນທາງມີຜົນບັງຄັບໃຊ້ນັບແຕ່ວັນທີ 1 ກັນຍາຈະເຖິງນີ້.
ກະຊວງຕ່າງປະເທດອາເມລິກາອອກປະກາດເຕືອນການເດີນທາງຄັ້ງໃໝ່ຢູ່ ສປປ ເກົາຫລີ ເຊິ່ງເປັນຜົນມາຈາກຄຳສັ່ງຫ້າມການເດີນທາງຊຸດໃໝ່ໃນຍຸກປະທານາທິບໍດີ ໂດນັນ ທຣຳ ຜູ້ນຳອາເມລິກາ. ຄຳສັ່ງຫ້າມການເດີນທາງໄປ ສປປ ເກົາຫລີ ປະກາດຂຶ້ນໃນເດືອນຜ່ານມາ ແລະ ມີໄລຍະເວລາໜຶ່ງເດືອນກ່ອນມີຜົນບັງຄັບໃຊ້. ຄຳປະກາດເຕືອນການເດີນທາງໄປ ສປປ ເກົາຫລີ ຄັ້ງໃໝ່ຂອງອາເມລິກາລະບຸວ່າ: ການເດີນທາງຈຳເປັນຕ້ອງໄດ້ຮັບອະນຸຍາດເປັນພິເສດກ່ອນ ຕາມແຕ່ສະຖານະການທີ່ຈຳເປັນ ເຊິ່ງທາງກະຊວງຕ່າງປະເທດອາເມລິກາຈະຖະແຫລງລາຍລະອຽດໃຫ້ຮູ້ໃນລຳດັບຕໍ່ໄປ.
