ແມນຢູ-ອາເຊນອລ ພາຍຫລັງ ຕີເລີມັນ ປະຕິເສດຕໍ່ສັນຍາ ເລສເຕີ

ແມນຢູ-ອາເຊນອລ ພ້ອມໃຈກັນຫູຕັ້ງ ຫລັງນັກວິເຄາະບານເຕະຄັນດັງຢືນຢັນ ຢູຣິ ຕີເລີມັນ ກອງກາງທີມຊາດເບລຢ້ຽມ ປະຕິເສດຕໍ່ສັນຍາໃຫມ່ ເລສເຕີ ຊິຕີ ຮຽບຮ້ອຍແລ້ວ.

ຢູຣິ ຕີເລີມັນ ກອງກາງທີມຊາດເບລຢ້ຽມຂອງສະໂມສອນ ເລສເຕີ ຊິຕີ ທີມດັງແຫ່ງພຣີເມຍລີກ ອັງກິດ ກຽມຊອກຫາຕົ້ນສັງກັດໃຫມ່ແນ່ນອນແລ້ວ ຫລັງມີລາຍງານວ່າ ລາວປະຕິເສດຈະບໍ່ຕໍ່ສັນຍາໃນຖິ່ນ ຄິງ ພາວເວີ ສະເຕດ້ຽມ ຮຽບຮ້ອຍແລ້ວ.

ຟາບຣີຊີໂອ ໂຣມາໂນ ນັກຂ່າວຄົນດັງຊາວອີຕາລີ ລາຍງານວ່າ ຕີເລີມັນ ທີ່ເຫລືອສັນຍາພຽງປີ 2023 ປະຕິເສດຕໍ່ສັນຍາສະບັບໃຫມ່ຈາກ ເລສເຕີ ຊິຕີ ໄປຮຽບຮ້ອຍແລ້ວ ແລະມີສະໂມສອນຊັ້ນນຳຫລາຍແຫ່ງທີ່ຢາກໄດ້ຕົວລາວໄປຮ່ວມທີມ.

ໂຣມາໂນ ໄດ້ຂຽນຂໍ້ຄວາມຜ່ານທະວິດເຕີສ່ວນຕົວວ່າ : ‘‘ ຂ້ອຍໄດ້ຮັບລາຍງານວ່າ ຢູຣິ ຕີເລີມັນ ຈະບໍ່ຕໍ່ສັນຍາກັບເລສເຕີ ສັນຍາສະບັບໃຫມ່ຖືກປະຕິເສດໄປແລ້ວ ສ່ວນສັນຍາເກ່ົາຈະຫມົດໃນປີ 2023 ’’.