ພຣີເມຍລີກ ຜ່ອນຜັນ 3 ມາດຕະການໂຄວິດ-19 ແລະ ກຽມປົດລັອກທຸກຂໍ້ໃນໄວໆນີ້
ພຣີເມຍລີກ ອັງກິດ ຖະແຫລງຫລັງການປະຊຸມຜູ້ຖືຫຸ້ນຂອງພຣີເມຍລີກ ໃນວັນທີ 10 ກຸມພາຜ່ານມາ ວ່າມີການຕັດສິນໃຈຍົກເລີກມາດຕະການສຸກເສີນດ້ານໂຄວິດ-19 ຈຳນວນຫນຶ່ງ ຕັ້ງແຕ່ມື້ນີ້ເປັນຕົ້ນໄປ.
2 ມາດຕະການໂຄວິດ-19 ທີ່ສຳຄັນເຊິ່ງຖືກຍົກເລີກໄປ ປະກອບດ້ວຍ ການໃສ່ຫນ້າກາດອະນາໄມໃນເຂດໃນຮົ່ມ, ການຈຳກັດເວລາໃນປິ່ນປົວ ນອກຈາກນີ້ ການກວດໂຄວິດ-19 ສຳລັບຜູ້ຫລິ້ນ ແລະ ເຈົ້າຫນ້າທີ່ສະໂມສອນທີ່ກ່ຽວຂ້ອງຈະປ່ຽນເປັນ 2 ຄັ້ງ/ອາທິດ ຕັ້ງແຕ່ວັນຈັນທີ 14 ກຸມພານີ້.
ແນວໃດກໍຕາມ ພຣີເມຍລີກ ຍັງບໍ່ຍົກເລີກຂໍ້ກຳນົດເລື່ອງໄລຍະຫ່າງທາງສັງຄົມ ສ່ວນມາດຕະການສຸກເສີນດ້ານໂຄວິດ-19 ຂອງພຣີເມຍລີກ ຍັງຄົງຢູ່ພາຍໃຕ້ການກວດສອບຢ່າງສະຫມຳ່ສະເຫມີ ໂດຍມີເປົ້າຫມາຍວ່າຈະປົດລັອກທັງຫມົດພາຍໃນທ້າຍເດືອນກຸມພານີ້.
ພຣີເມຍລີກ ອັງກິດ ຕ້ອງເລື່ອນການແຂ່ງຂັນໄປແລ້ວຫລາຍກວ່າ 20 ຄູ່ ນັບຕັ້ງແຕ່ໂຄວິດ-19 ເກີດການລະບາດຊຳ້ໃນຫລາຍສະໂມສອນລະຫວ່າງເດືອນທັນວາເຖິງເດືອນມັງກອນທີ່ຜ່ານມາ ເຊິ່ງເຄີຍພົບຜູ້ຕິດເຊື້ອຄົນໃຫມ່ເປັນສະຖິຕິສູງສຸດຕໍ່ອາທິດທີ່ຕົວເລກ 103 ຄົນ ລະຫວ່າງວັນທີ 20-26 ທັນວາ ແຕ່ຫລັງຈາກນັ້ນມາກໍມີຜົນກວດເປັນບວກຫລຸດລົງຢ່າງຕໍ່ເນື່ອງ.
