WHO ຊີ້ ສະຖານະການໂຄວິດໃນອາຟຣິກາ ກຳລັງປ່ຽນຜ່ານຈາກໄລຍະການລະບາດໃຫຍ່ ສູ່ການຮັບມືໄວຣັສໃນໄລຍະຍາວ
ດຣ. ມັດຊິຕິໂຊ ໂມເອຕິ ຜູ້ອຳນວຍການອົງການອະນາໄມໂລກ (WHO) ປະຈຳພາກພື້ນປາຊີຟິກ ຖະແຫລງຕໍ່ສື່ໃນວັນທີ 10 ກຸມພາ ໂດຍຊີ້ວ່າ: ສະຖານະການໂຄວິດໃນທະວີບອາຟຣິກາກຳລັງຈະປ່ຽນຜ່ານຈາກໄລຍະການແພ່ລະບາດໃຫຍ່ ຫລື Pandemic ໄປສູ່ການຮັບມືໄວຣັສໃນໄລຍະຍາວ ເຊິ່ງອາດນຳໄປສູ່ການຢູ່ຮ່ວມກັບໄວຣັສໄດ້ໃນອະນາຄົດ.
ທ່າທີຂອງ ດຣ. ໂມເອຕິ ສະທ້ອນເຖິງສະຖານະການໂຄວິດໃນທະວີບອາຟຣິກາໄລຍະ 2 ປີຜ່ານມາ ເຊິ່ງມີພັດທະນາການໃນການຮັບມືການແພ່ລະບາດທີ່ວ່ອງໄວ ແລະ ສະຫລາດຂຶ້ນ ທ່າມກາງການເພີ່ມຂຶ້ນຂອງໄວຣັສໂຄວິດສາຍພັນໃໝ່ໆ.
ຂະນະທີ່ອາຟຣິກາສາມາດຜ່ານຜ່າອຸປະສັກ ແລະ ຄວາມຍາກລຳບາກໃນການຮັບມືສະຖານະການລະບາດຂອງໂຄວິດ ໂດຍສະເພາະຄວາມບໍ່ສະເໝີພາບ ແລະ ຄວາມເຫລື່ອມລ້ຳດ້ານວັກຊັກ ເຊິ່ງຕ້ອງໃຊ້ທັງຄວາມອົດທົນ ແລະ ມຸ່ງໝັ້ນ
ເຖິງຢ່າງໃດກໍຕາມ, ຄວາມເຫັນແງ່ບວກຂອງ ດຣ. ໂມເອຕິ ທີ່ມີຕໍ່ສະຖານະການແພ່ລະບາດຂອງໂຄວິດໃນອາຟຣິກາ ແຕກຕ່າງໄປຈາກຄວາມເຫັນຂອງ ດຣ. ທີໂດຣສ ອັດຕານອມ ກີບຣີເຍຊຸສ ຜູ້ອຳນວຍການໃຫຍ່ຂອງ WHO ທີ່ເນັ້ນເຕືອນໃນໄລຍະຜ່ານມາວ່າ: ການລະບາດໃຫຍ່ຂອງໂຄວິດນັ້ນຍັງບໍ່ສິ້ນສຸດ ແລະ ຍັງໄວເກີນໄປທີ່ປະເທດຕ່າງໆຈະຄິດວ່າຕອນຈົບຂອງການລະບາດນັ້ນໃກ້ຈະມາເຖິງ.
ທັງນີ້, ຂໍ້ມູນຈາກທະນາຄານໂລກປະເມີນວ່າ: ການລະບາດໃຫຍ່ຂອງໂຄວິດນັ້ນສົ່ງຜົນໃຫ້ປະຊາກອນໃນອາຟຣິກາ 40 ກວ່າລ້ານຄົນ ຕ້ອງຜະເຊີນຄວາມທຸກຍາກຂັ້ນຮຸນແຮງ ເຊິ່ງການຊ້າລົງ ແລະ ຍົກເລີກມາດຕະການປ້ອງກັນການລະບາດໃນແຕ່ລະເດືອນນັ້ນ ສົ່ງຜົນໃຫ້ເກີດການສູນເສຍຕໍ່ GDP ມູນຄ່າຫລາຍກວ່າ 13,8 ພັນລ້ານໂດລາ.
ຂະນະທີ່ ດຣ. ໂມເອຕິ ຍັງສະແດງຄວາມກັງວົນຕໍ່ການເຂົ້າເຖິງວັກຊີນໃນອາຟຣິກາທີ່ຍັງຂ້ອນຂ້າງຊັກຊ້າ ເຊິ່ງປັດຈຸບັນມີປະຊາກອນຜູ້ໃຫຍ່ໃນອາຟຣິກາທີ່ໄດ້ຮັບການສັກວັກຊີນປ້ອງກັນໂຄວິດແລ້ວພຽງ 11% ເຖິງວ່າທົ່ວທະວີບຈະໄດ້ຮັບວັກຊີນລວມກັນແລ້ວຫລາຍກວ່າ 670 ລ້ານໂດສ.
ອ້າງອີງ:
https://www.aljazeera.com/news/2022/2/10/africa-transitioning-out-of-pandemic-phase-of-covid-who
