ແກເຣັດ ເບລ ເລືອກທີມໃຫມ່ແລ້ວ ຫລັງສັນຍາໃກ້ຈະຫມົດລະດູການນີ້

ອະດີດນັກເຕະຄ່າໂຕແພງທີ່ສຸດໃນໂລກ ກຽມຍ້າຍທີມຫລັງຈົບລະດູການນີ້ ພ້ອມເປັນສັນຍາສະບັບສຸດທ້າຍຂອງອາຊີບນັກເຕະ.

ເດລີ ເມລ ສື່ກິລາຊື່ດັງຂອງອັງກິດ ລາຍງານວ່າ ແກເຣັດ ເບລ ອະດີດປີກຄ່າໂຕແພງຂອງທີມ ເຣອັນ ມາດຣິດ ກຽມພ້ອມທີ່ຈະຍ້າຍອອກຈາກຖິ່ນ ຊານຕີອາໂກ ເບີນາເບວ ຫລັງຈົບລະດູການນີ້.

ມີລາຍງານວ່ານັກເະໄດ້ຕອບຕົກລົງທີ່ຈະຍ້າຍໄປຮ່ວມທີມ ທັອດແນມ ຮັອດສະເປີ ສະໂມສອນເກ່ົາຂອງຂອງໃນໄລຍະຫລັງຈົບລະດູການນີ້ ເຊິ່ງມີລາຍງານວ່າການຕົກລົງເຊັນສັນຍາເປີດຂຶ້ນເມື່ອ 3 ເດືອນກ່ອນ ແລະຈະມີການເປີດຕົວຢ່າງເປັນທາງການຫລັງຈົບລະດູການນີ້.

ສຳລັບ ແກເຣັດ ເບລ ຍ້າຍຈາກ ທັອດແນມ ຮັອດສະເປີ ມາຮ່ວມທີມ ເຣອັນ ມາດຣິດ ໃນປີ 2013 ດ້ວຍຄ່າຕົວສະຖິຕິໂລກໃນເວລານັ້ນເຖິງ 85 ລ້ານປອນ ແລະ ຄວ້າຄວາມສຳເລັດກັບທີມ ເຣອັນ ມາດຣິດ ເປັນຈຳນວນຫລາຍ ກ່ອນຈະບໍ່ໄດ້ຢູ່ໃນທີມຊຸດໃຫຍ່ໄລຍະ 2-3 ປີທີ່ຜ່ານມາ ເນື່ອງຈາກພຶດຕິກຳສ່ວນຕົວ ແລະຜົນງານການຫລິ້ນໃນສະຫນາມ ປັດຈຸບັນໃນອາຍຸ 32 ປີ ໃນລະດູການນີ້ລົງໄປພຽງ 3 ນັດ ຍິງໄປ 1 ປະຕູເທົ່ານັ້ນ.