U-MONEY ໄດ້ຮັບລາງວັນ SME ນະວັດຕະກໍາດີເດັ່ນ ຈາກງານລາງວັນ ທຸລະກິດອາຊຽນດີເດັ່ນ ແຫ່ງ ສປປ ລາວ ປະຈຳປີ 2021

ດ້ວຍຜົນງານການຄົ້ນຄວ້າປະດິດສ້າງ ແລະ ສ້າງສັນ ສູ່ການເປັນນະວັດຕະກໍາທີ່ດີທີ່ສຸດ ໄດ້ສະໜອງບໍລິການຢ່າງມີຄຸນນະພາບດີທີ່ສຸດ ອອກສູ່ສັງຄົມ; U-MONEY ຜະລິດຕະພັນຂອງ ບໍລິສັດ ສະຕາ ຟິນເທັກ ຈຳກັດ ຜູ້ດຽວ ໄດ້ສະໜອງບໍລິການການເງິນເທິງມືຖື ຍົກສູງຊີວິດການເປັນຢູ່ຂອງປະຊາຊົນໃຫ້ນັບມື້ດີຂຶ້ນ ນຳມາສູ່ການໄດ້ຮັບລາງວັນລະດັບປະເທດອີກເທື່ອໜຶ່ງນັ້ນກໍຄື ລາງວັນປະ ເພດທຸລະກິດ ຂະໜາດນ້ອຍ ແລະ ກາງ (SME) ດີເດັ່ນ ໃນຂະແໜງການນະວັດຕະກໍາດີເດັ່ນ (SME Innovation Excellence Award) ຈາກງານປະກາດລາງວັນ ທຸລະກິດອາຊຽນດີເດັ່ນ ແຫ່ງ ສປປລາວ ປະຈຳປີ 2021.

ໂຄງການປະກາດລາງວັນດັ່ງກ່າວນີ້, ສະພາການຄ້າ ແລະ ອຸດສາຫະກຳ ແຫ່ງຊາດລາວ (ສຄອຊ) ໄດ້ຈັດຕັ້ງຂຶ້ນທຸກໆປີ ໂດຍມີບັນດາບໍລິສັດພາຍໃນປະເທດ ເຂົ້າຮ່ວມເປັນຈຳນວນຫຼາຍ ແຕ່ດ້ວຍຄຸນຄ່າ ການບໍລິການທີ່ດີທີ່ສຸດ ຊ່ວຍໃຫ້ປະຊາຊົນ ສາມາດເຂົ້າເຖິງການເງິນດີຈີຕອນທີ່ທັນສະໄໝທີ່ສຸດ ໄດ້ຢ່າງທົ່ວເຖິງ ເຮັດໃຫ້ U-MONEY ໄດ້ຮັບລາງວັນດັ່ງກ່າວນີ້ ເປັນລາງວັນທີ 2 ໃນປີ 2021 ຊຶ່ງຫວ່າງບໍ່ດົນມານີ້ U-MONEY ກໍໄດ້ຮັບ ລາງວັນ ນັກທຸລະກິດຊັ້ນນຳດີເດັ່ນ ສຄອຊ ໃນໄລຍະໂຄວິດ-19 ປະຈໍາປີ 2021 ລວມແລ້ວ, 3 ປີຜ່ານມາ U-MONEY ໄດ້ຮັບເຖິງ 4 ລາງວັນ ໃນລະດັບພາຍໃນປະເທດ ແລະ ສາກົນ ຊຶ່ງທັງໝົດເປັນເປັນລາງວັນທີ່ຊົງຄຸນຄ່າ ແລະ ເປັນຄວາມພາກພູມໃຈຂອງອ້າຍນ້ອງພະນັກງານຂອງບໍລິສັດ.

ປີ 2020 ຜ່ານມາ, U-MONEY ໄດ້ຮັບລາງວັນ ລະດັບສາກົນຄືລາງວັນ Silver Stevie ໃນຫົວຂໍ້ “ນະວັດຕະກຳໃໝ່ ດ້ານຜະລິດຕະພັນ ແລະ ການບໍລິການສຳລັບຜູ້ບໍລິໂພກ” (Award for Innovation in Consumer Products & Services) ທີ່ສະໜອງບໍລິການ-ການເງິນຜ່ານມືຖື ໃນ ສປປ ລາວ ປະກາດລາງວັນໂດຍ Asia-Pacific Stevie Awards 2020. ນອກນັ້ນ, ຍັງໄດ້ຮັບລາງວັນຈາກ IT world Awards 2020 ຈັດໂດຍ Network Product Guide ໃນໝວດໝູ່: ຜະລິດຕະພັນ ແລະ ການບໍລິການທີ່ສະໜອງດ້ານເຕັກໂນໂລຊີ ໃນຂົງເຂດວຽກງານການເງິນ, ການທະນາຄານ ແລະ ປະກັນໄພ (IT Products & Services for Finance, Banking and Insurance).

ສະຖານະການ ຂອງການແພ່ເຊື້ອພະຍາດໂຄວິດໃນປັດຈຸບັນ, ປະຊາຊົນຕ້ອງໄດ້ປັບຕົວເຂົ້າໃນການດຳລົງຊີວິດແບບໃໝ່ (New Normal) ແລະ ແນ່ນອນ, ການນຳໃຊ້ເຕັກໂນໂລຊີ ເຂົ້າໃນການອຳນວຍຄວາມສະດວກ ຈຶ່ງຈຳເປັນຢ່າງຍິ່ງໃນປັດຈຸບັນ ເປັນຕົ້ນຂົງເຂດນການເງິນ ຊຶ່ງບໍລິການ U-MONEY ເປັນອີກໜຶ່ງບໍລິການທີ່ເໝາະສົມທີ່ສຸດໃນຍຸກນີ້ ເພາະເປັນບໍລິການ ກະເປົາເງິນ ເອເລັກໂຕຣນິກ ທີ່ສາມາດເຮັດທຸລະກຳ ໂອນເງິນ-ຖອນເງິນ ອອກເປັນເງິນສົດ – ການຊໍາລະບໍລິການໂທລະຄົມ, ປະກັນໄພ, ນ້ຳປະປາ ແລະ ເຊົ່າສິນເຊື່ອຕ່າງໆ ໂດຍຜ່ານລະບົບມືຖື ລວມທັງການເຊື່ອມຕໍ່ກັບບັນດາທະນາຄານຊັ້ນນຳໄດ້ລວມທັງສາມາດຫຼຸດຜ່ອນການນຳໃຊ້ເງິນສົດ ເພື່ອຫຼີກເວັ້ນການສຳພັດ ເຊິ່ງກັນ ແລະ ກັນ ໄດ້ເປັນຢ່າງດີ.

ຜ່ານໄລຍະເວລາ 3 ປີ, U-MONEY ໄດ້ຂະຫຍາຍເລກໝາຍລົງທະບຽນ ບໍລິການເຖິງ 1,6 ລ້ານເລກໝາຍ, ຂະຫຍາຍຮ້ານຕົວແທນ ຫຼາຍກວ່າ 10.000 ຮ້ານຕົວແທນ, ຂະຫຍາຍຮ້ານຮັບຊຳລະຜ່ານ QR code ຮ້ານຄ້າຕ່າງໆ ຫຼາຍກວ່າ 70.000 ຮ້ານຄ້າ ໃນຂອບເຂດທົ່ວປະເທດ.

U-MONEY ຈະບໍ່ຢຸດການພັດທະນາຜະລິດຕະພັນ ໂດຍຄໍານຶງເຖິງຜົນປະໂຫຍດສູງສຸດຂອງປະຊາຊົນ, ຮັບໃຊ້ປະຊາຊົນ ແລະ ຮັບໃຊ້ສັງຄົມ ເປັນຕົ້ນ ປະຊາຊົນ ທີ່ດໍາລົງຊີວິດຢູ່ເຂດຫ່າງໄກສອກຫຼີກ ກໍສາມາດເຂົ້າເຖິງ ບໍລິການການເງິນ – ການທະນາຄານ ໄດ້ຢ່າງສະດວກ ເພື່ອຍູ້ດັນໃຫ້ປະຊາຊົນຮູ້ນໍາໃຊ້ ແລະ ເຂົ້າເຖິງທຸລະກຳການເງິນໃນຮູບແບບດີຈີຕອນ ຊຶ່ງຈະເປັນການສົ່ງເສີມສ້າງພື້ນຖານການພັດທະນາເສດຖະກິດຊຸມຊົນ ໃຫ້ນັບມື້ຈະເລີນຮຸ່ງເຮືອງຂຶ້ນ.