ຍີ່ປຸ່ນ ເລັ່ງອະນຸມັດຢາເມັດປິ່ນປົວໂຄວິດທີ່ຜະລິດເອງ

ອີງຕາມແຫລ່ງຂ່າວຈາກໂຕກຽວຂອງຍີ່ປຸ່ນ ລາຍງານວັນທີ 7 ກຸມພາ 2022 ນີ້ວ່າ: ລັດຖະບານຍີ່ປຸ່ນຈະພິຈາລະນາເລື່ອງອະນຸມັດຢ່າງມີເງື່ອນໄຂໃຫ້ໃຊ້ຢາປິ່ນປົວພະຍາດໂຄວິດ-19 ຊະນິດເມັດຮັບປະທານທີ່ກຳລັງພັດທະນາ ໂດຍບໍລິສັດຢາຍີ່ປຸ່ນ.

ນາຍົກລັດຖະມົນຕີຍີ່ປຸ່ນ ຟູມິໂອະ ຄິຊິຄະ ກ່າວຕໍ່ກອງປະຊຸມຄະນະກຳມະການໃນລັດຖະສະພາທີ່ມີການຖ່າຍທອດສົດທາງໂທລະພາບໃນມື້ນີ້ວ່າ ເນື່ອງຈາກຢາປິ່ນປົວໂຄວິດ-19 ຂອງບໍລິສັດການຢາ ຊິໂອໂນກິ ໄດ້ຮັບການຢືນຢັນເລື່ອງຄວາມປອດໄພ ແລະ ປະສິດທິພາບໃນການທົດລອງທາງຄລີນິກ, ລັດຖະບານຈຶ່ງຕ້ອງການຈະພິຈາລະນາອະນຸມັດໃຫ້ໃຊ້ໂດຍໄວ.