ແຂວງບໍລິຄຳໄຊ ຈັດເກັບລາຍຮັບປີ 2021 ປະຕິບັດໄດ້ພຽງແຕ່ 61,84 % ຂອງແຜນການ
ອີງຕາມການລາຍງານໃນກອງປະຊຸມສະຫລຸບ ການຈັດຕັ້ງປະຕິບັດແຜນງົບປະມານແຫ່ງລັດປະຈຳປີ 2021 ແລະ ທິດທາງແຜນການ ປະຈຳປິ 2022 ຂອງແຂວງບໍລິຄຳໄຊ ເມື່ອບໍ່ດົນມານີ້ວ່າ:
ໃນໄລຍະ 1 ປີ ຜ່ານມາ ແລະ ທິດທາງແຜນການໃນຕໍ່ໜ້າ ເຊິງສະເໜີໂດຍ ທ່ານ ບຸນລ້ຽງ ດວງສະເພົາທອງ ຫົວໜ້າ ພະແນກການເງິນ ແຂວງ. ຮັບຟັງການແກ້ໄຂ້ ຄວາມຫຍຸ້ງຍາກທາງດ້ານເສດຖະກິດ – ການເງິນ ຂອງຂະແໜງການເງິນ ແລະ ການຈັດຕັ້ງປະຕິບັດວຽກງານ ຂອງບັນດາພະແນກການ – ບັນດາເມືອງ ຕໍ່ກັບວາລະແຫ່ງຊາດ ວາດ້ວຍການແກ້ໄຂ້ຄວາມຫຍຸ້ງຍາກທາງດ້ານເສດຖະກິດ – ການເງິນ – ການເພີ່ມທະວີ ການຄຸ້ມຄອງ ແລະ ຕ້ານການຮົ່ວໄຫຼຂອງລາຍຮັບງົບປະມານແຫ່ງລັດ ທີ່ຕິດພັນກັບວຽກງານຂອງຂະແໜງການ.
ໂດຍລວມແລ້ວ ສະພາບໃນການຄຸ້ມຄອງ ຈັດເກັບລາຍຮັບງົບປະມານປະຈໍາປີ 2021 ເຫັນວ່າມີສິງທ້າທ້າຍ ແລະ ພົບຄວາມຫຍຸງຍາກຫຼາຍດ້ານ ໂດຍອິງໃສສະພາບເງືອນໄຂຄວາມເປັນຈິງທາງດ້ານເສດຖະກິດໃນປັດຈຸບັນ ບວກໃສ່ສະພາບການແຜ່ລະບາດຂອງພະຍາດໂຄວິດ 19 ໄດ້ສົງຜົນກະທົບຕໍ່ການຈັດເກັບລາຍຮັບເຂົ້າງົບປະມານໂດຍທາງກົງ ແລະ ທາງອ້ອມຢ່າງຫຼີກບໍໄດ້ ຜ່ານການຈັດຕັ້ງປະຕິບັດເຫັນວ່າ ລາຍຮັບພູດລວມທົ່ວແຂວງ ແມ່ນບໍສາມາດບັນລຸແຜນການທີ່ກໍານົດໄວ້. ປະຕິບັດໄດ້ພຽງແຕ່ 61,84 % ຂອງແຜນການປີ.
ໃນນີ້ ລາຍຮັບພູດສູນກາງ ປະຕິບັດໄດ້ 50.6 ກວ່າ %ຂອງແຜ່ນການປີ. ສ່ວນລາຍຮັບພູດທ້ອງຖິ່ນ ແມ່ນປະຕິບັດໄດ້ລື່ນແຜ່ນການ 1.21 ກວ່າ%.
ເພຶ່ອຮັບປະກັນ ເຮັດໃຫ້ການຈັດຕັ້ງປະຕິບັດວາລະແຫ່ງຊາດ ໃນການແກ້ໄຂຄວາມຫຍຸ້ງຍາກທາງດ້ານເສດຖະກິດ – ການເງິນ ໄດ້ຖືກຈັດຕັ້ງຜັນຂະຫຍາຍຢ່າງເປັນຮູບປະທໍາ ແລະ ສໍາເລັດຕາມລະດັບຄາດໝາຍ ໃນພິທີ ທ່ານປະທານ ພ້ອມດ້ວຍບັນດາແຂກທີເຂົ້າຮ່ວມກອງປະຊຸມ ຍັງໄດ້ຜັດປ່ຽນກັນປະກອບຄໍາຄິດເຫັນ ສົນທະນາແລກປ່ຽນບົດຮຽນ ຕີລາລາຄາຄືນ ຈຸດດີ – ຈຸດອ່ອນ ບັນດາຂໍ້ຄົງຄ້າງ ແລະ ບົດຮຽນທີຖອດຖອນໄດ້ຮ່ວມກັນ ເພຶ່ອແນ່ໃສ່ສ້າງການຫັນປ່ຽນ ຕໍ່ກັບການຈັດຕັ້ງປະຕິບັດວຽກງານດັ່ງກ່າວ ໃຫ້ມີຄວາມເປັນເອກະພາບ. ໃນລະດັບສູງ ພ້ອມທັງແນ່ໃສເພີມທະວີການຄຸ້ມຄອງ ແລະ ຕ້ານການຮົ່ວໄຫຼຂອງລາຍຮັບງົບປະມານແຫ່ງລັດ ໃຫ້ຢູ່ໃນຄວາມຮັບຜິດຊອບຂອງບັນດາພະແນກການ. ບັນດາເມືອງ ແລະ ອົງການປົກກຄອງທຸກຂັ້ນ – ທຸກພາກສ່ວນໃນຂອບເຂດທົ່ວແຂວງ ບໍລິຄໍາໄຊ. ຢ່າງມີປະສິດທີຜົນສຸດສຸດ.
