ແຟນແມນຢູ ພາກັນວິຈານດ້ານລົບໃສ່ ໂຣນັລໂດ ຫລັງພາທີມຕົກຮອບເອຟເອຄັພ

ເຮັດຫຍັງລົງໄປ ແຟນບານແມນເຊສເຕີ ຢູໄນເຕັດ ພາກັນວິຈານ ຄຣິສຕຽນໂນ ໂຣນັລໂດ ຫລັງມີສ່ວນເຮັດໃຫ້ທີມຕ້ອງຕົກຮອບ ເອຟເອ ຄັພ.

ຄວາມເຄື່ອນໄຫວຫລັງຈາກທີ່ ແມນເຊສເຕີ ຢູໄນເຕັດ ຍິງລູກໂທດເສຍໃຫ້ ມິດເດິລສະໂບ ໄປ 7-8 ຫລັງສະເຫມີໃນ 120 ນາທີ 1-1 ຕົກຮອບ 4 ເອຟເອ ຄັພ ໄປແບບສຸດຊຳ້ ເມື່ອຄືນວັນສຸກທີ່ຜ່ານມາ.

ຫລັງຈົບເກມ ແຟນບານແມນເຊສເຕີ ຢູໄນເຕັດ ຈຳນວນຫລາຍອອກມາວິຈານຜົນງານຂອງ ໂຣນັລໂດ ທີ່ຍິງລູກໂທດບໍ່ເຂົ້າ ແລະ ໃຊ້ໂອກາດເປືອງ ຈົນມີສ່ວນເຮັດໃຫ້ທີມຕ້ອງພົບກັບຄວາມປະໄລໄຊໃນຄັ້ງນີ້ ຍົກຕົວຢ່າງຄອມເມັ້ນດັ່ງລຸ່ມນີ້.

‘‘ ຂ້ອຍຕົກຕະລຶງກັບ ໂຣນັລໂດ ຫລາຍ ປ່ອຍລາວອອກຈາກທີມຊະ ’’.

‘‘ ເວົ້າບໍ່ໄດ້ເລີຍ ແຕ່ ໂຣນັລໂດ ຄືບັນຫາຂອງທີມເຮົາໃນຕອນນີ້ ລາວຫລິ້ນຊ້າຫລາຍ ມັນຂ້າເກມບຸກຂອງເຮົາທີ່ພະຍາຍາມຈະໂຈມຕີດ້ວຍເກມສວນກັບ ’’.

‘‘  ເລີ່ມຫມົດຄວາມອົດທົນກັບ ໂຣນັລໂດ ຄ່ອຍຕຳ່ລົງແລ້ວ ’’.

‘‘ ຕອນບໍ່ມີ ໂຣນັລໂດ ທີມຫລິ້ນດີກວ່ານີ້ນະ ’’.