ວາງສີລາລືກກໍ່ສ້າງໂຮງຮຽນມັດທະຍົມສົມບູນພັດທະນາຂອງຂວັນຈາກຫວຽດນາມ

ແຫລ່ງຂ່າວແຂວງໄຊຍະບູລີລາຍງານວ່າ: ທ້າຍເດືອນຜ່ານມາ, ໄດ້ພິທີວາງສີລາລືກກໍ່ສ້າງໂຮງຮຽນມັດ ທະຍົມສົມບູນພັດທະນາ ຢູ່ບ້ານໂພນໄຊ ເມືອງ ແລະ ແຂວງໄຊຍະບູລີ ໂດຍທ່ານ ເພັດພິໄຊ ສູນວິໄລ ຮອງເຈົ້າແຂວງ, ທ່ານ ຫງວຽນ ຫິ່ວເຮົ້າ ຮອງຜູ້ອຳນວຍການບໍລິສັດຮ່ວມມືສາກົນ 705 ທະຫານເຂດ 2 ສສ ຫວຽດນາມ ພ້ອມດ້ວຍເຈົ້າເມືອງໄຊຍະບູລີ, ຄະນະພັກ-ຄະນະບັນຊາກອງພົນທີ 2, ພະແນກການອ້ອມຂ້າງແຂວງ, ວິຊາການທີ່ກ່ຽວຂ້ອງ, ຄູ-ອາຈານ ແລະ ນັກຮຽນເຂົ້າຮ່ວມ.

ໂຮງຮຽນມັດທະຍົມສົມບູນພັດທະນາ ທີ່ຈະກໍ່ສ້າງນີ້ເປັນອາຄານ 2 ຊັ້ນ ໄດ້ຮັບທຶນຊ່ວຍເຫລືອຈາກຄະ ນະພັກ, ອົງການປົກຄອງ ແລະ ປະຊາຊົນແຂວງທາຍບິງ ສສ ຫວຽດນາມ ແລະ ບໍລິສັດຮ່ວມມືສາກົນ 705 ທະຫານເຂດ 2 ສສ ຫວຽດນາມ ມູນຄ່າ 5.389.000.000 ດົງ ຫລື 2,6 ຕື້ກວ່າກີບ.