ແລມພາດ ດຶງ ແອສລີ ໂຄລ ຮ່ວມໃນທີມງານຄູຝຶກທີ່ເອຟເວີຕັນຮຽບຮ້ອຍແລ້ວ

ແຟຣັງ ແລມພາດ ຜູ້ຈັດການທີມຄົນໃຫມ່ງຂອງ ເອຟເວີຕັນ ຈັດການດຶງອະດີດຫມູ່ຮ່ວມທີມເຊລຊີ ຢ່າງ ແອສລີ ໂຄລ ເຂົ້າຮ່ວມທີມງານຄູຝຶກຊຸດໃຫຍ່ຮຽບຮ້ອຍແລ້ວ ພ້ອມຍ້ອງຍໍ 2 ນັກເຕະໃຫມ່ຂອງທີມ.

ນອກຈາກນີ້ ແລມພາດ ຍັງກ່າວເຖິງ 2 ນັກເຕະໃຫມ່ຄື ດອນນີ ຟານ ເດິ ເບັກ ກອງກາງທີມຊາດຮອນແລນ ທີ່ຢືມຕົວມາຈາກ ແມນເຊສເຕີ ຢູໄນເຕັດ ແລະ ເດເລ ອັນລີ ທີ່ດຶງມາຈາກ ທັອດແນມ ຮັອດສະເປີ ວ່າ ‘‘ ຂ້ອຍຮູ້ສຶກຕື່ນເຕັ້ນຫລາຍທີ່ໄດ້ ຟານ ເດິ ເບັກ ມາຮ່ວມທີມ ແລະ ອັນລີ ກໍເປັນນັກເຕະສາລະພັດປະໂຫຍດທີ່ຈະເຂົ້າມາມີສ່ວນຮ່ວມໃນການສ້າງເກມບຸກໄດ້ ສ່ວນ ຟານ ເດິ ເບັກ ກໍສາມາດເຊື່ອມເກມໄດ້ ເປັນນັກເຕະທີ່ແຕກຕ່າງຈາກນັກເຕະທີ່ເຮົາມີຢູ່ ’’.

ແນວໃດກໍຕາມ ເກມເອຟເອ ຄັພ ຮອບ 4 ທີ່ ເອຟເວີຕັນ ຈະພົບກັບ ເບຣນຟອດ ໃນວັນເສົານີ້ ຟານ ເດິ ເບັກ ກັບ ອັລລີ ບໍ່ສາມາດລົງສະຫນາມໄດ້ເທື່ອ ເນື່ອງຈາກລົງຫລິ້ນໃຫ້ກັບ ແມນເຊສເຕີ ຢູໄນເຕັດ ແລະ ທັອດແນມ ຮັອດສະເປີ ມາແລ້ວໃນຮອບ 3.