ອາເຊນໍລ ຍົກເລີກສັນຍາ ໂອບາເມຍ໊ອງ ຍ້າຍໄປ ບາເຊໂລນາ ແບບບໍ່ມີຄ່າໂຕ.
ປ່ອຍຟຣີໃຫ້ ບ່າຊ່າ! ‘ປືນ’ ຢືນຢັນແຍກທາງກັບ ‘ໂອບາເມຍ໊ອງ’
ອາເຊນອລ ຖະແຫຼງຢືນຢັນຍົກເລີກສັນຍາ ປິແອ-ເອເມີຣິກ ໂອບາເມຍ໊ອງ ກອງໜ້າທີ່ມີປະສົບການຮຽບຮ້ອຍແລ້ວ, ເຖິງແມ່ນວ່າຈະເຫຼືອສັນຍາອີກ 18 ເດືອນກໍ່ຕາມ ເຮັດໃຫ້ນັກເຕະສາມາດຍ້າຍທີມໄປຮ່ວມທີມ ບາເຊໂລນາ ໂດຍບໍ່ມີຄ່າຕົວ.
ຫົວຫອກໄວ 32 ປີ ມີບັນຫາດ້ານລະບຽບວິໄນຢູ່ເລື້ອຍໆ ເຮັດໃຫ້ ໄມເກລ ອາເຕຕ້າ ຄູຝຶກຊາວສະເປນ ຕ້ອງຕັດຫາງປ່ອຍວັດ ບໍ່ຮຽກໃຊ້ງານອີກເລີຍນັບຕັ້ງແຕ່ຕົ້ນເດືອນທັນວາ. ດັ່ງນັ້ນ, ສົ່ງຜົນໃຫ້ຕ້ອງຊອກຫາສະໂມສອນໃຫມ່ໃນໄລຍະເປີດຕະຫຼາດໃນເດືອນມັງກອນ.
ກ່ອນທີ່ຈະມີລາຍງານຊີ້ໃຫ້ເຫັນວ່າ ເຈົ້າບຸນທຸ້ມ ສາມາດຄວ້າຕົວໄປຮ່ວມທີມໄດ້ແລ້ວ ເຖິງແມ່ນວ່າຍັງບໍ່ມີການປະກາດຢ່າງເປັນທາງການ ແຕ່ກໍ່ຈະເປັນການຍ້າຍແບບບໍ່ມີຄ່າໂຕ ເພາະປືນໃຫຍ່ຕົກລົງທີ່ຈະປ່ອຍຕົວໄປເພື່ອເປັນການປະຢັດຄ່າຈ້າງຫຼາຍກວ່າ 25 ລ້ານປອນ ຫຼື ປະມານ 1,132 ລ້ານບາດ.
ເຊິ່ງຫຼ້າສຸດ ປືນໃຫຍ່ ໄດ້ອອກມາປະກາດອຳລາດາວເຕະຄົນນີ້ເປັນທາງການ ຖະແຫຼງການຈາກທີມກ່າວວ່າ: “ພວກເຮົາຂໍອວຍພອນໃຫ້ ໂອບາ ປະສົບກັບສິ່ງທີ່ດີທີ່ສຸດຕໍ່ໄປໃນອາຊີບຂອງເຂົາ ແລະ ຂໍຂອບໃຈສໍາລັບການມີສ່ວນຮ່ວມກັບສະໂມສອນ.”
