ປີ 2021 ສປປ ລາວ ມີຜູ້ເສຍຊີວິດ 19 ຄົນຈາກການເກີດໄພພິບັດທໍາມະຊາດ 65 ຄັ້ງ
ປີ 2021 ຜ່ານມາ, ສປປ ລາວ ໄດ້ຮັບຜົນກະທົບຈາກໄພພິບັດທໍາມະຊາດເປັນຕົ້ນ ໄພນໍ້າຖ້ວມ, ແຫ້ງ ແລ້ງ, ລົມພາຍຸ, ດິນເຈື່ອນ, ສັດຕູພືດທໍາລາຍ ແລະ ອື່ນໆ 65 ຄັັ້ງ ແລະ ໄດ້ສົ່ງຜົນກະທົບໂດຍກົງຕໍ່ປະ ຊາຊົນ 70.200 ຄົນ, ຍິງ 34.645 ຢູ່ 15 ແຂວງ, 94 ເມືອງ, 786 ບ້ານ ໂດຍມີຜູ້ບາດເຈັບ 17 ຄົນ ແລະ ເສຍຊີວິດ 19 ຄົນ.
ແນວໃດກໍດີປີຜ່ານມາ, ຂະແໜງການກ່ຽວຂ້ອງນອກຈາກໄດ້ເຜີຍແຜ່ກົດໝາຍວ່າດ້ວຍການຄຸ້ມຄອງໄພພິ ບັດ, ສ້າງຍຸດທະສາດແຫ່ງຊາດວ່າດ້ວຍການຫລຸດຜ່ອນຄວາມສ່ຽງໄພພິບັດ, ປັບປຸງຄະນະກໍາມະການຄຸ້ມຄອງໄພພິບັດຂັັ້ນສູນກາງ-ທ້ອງຖິ່ນ, ຊຸກຍູ້ສ້າງກອງທຶນຄຸ້ມຄອງໄພພິບັດ, ສ້າງແຜນກຽມພ້ອມຕອບໂຕ້ໄພ ພິບັດ, ສ້າງຄວາມເຂັ້ມແຂງໃຫ້ພາກສ່ວນກ່ຽວຂ້ອງໃນທົ່ວປະເທດ, ສ້າງສູນຂໍ້ມູນຂ່າວສານຊັບພະຍາກອນ ນໍ້າແຫ່ງຊາດ, ປັບປຸງສະຖານນີອຸຕຸນິຍົມ ແລະ ອຸທົກກະສາດ, ສ້າງສູນຂໍ້ມູນຂ່າວສານແຜ່ນດິນໄຫວແຫ່ງ ຊາດ ແລະ ສະຖານີຕິດຕາມແຜ່ນດິນໄຫວ, ປັບປຸງສູນປະຕິບັດງານເຫດການສຸກເສີນຂອງຄະນະກໍາມະການຄຸ້ມຄອງໄພພິບັດຂັັ້ນສູນກາງແລ້ວ ຍັງໄດ້ເອົາໃຈໃສ່ຕິດຕາມຊຸກຍູ້ສະພາບໄພພິບັດທີ່ເກີດຂຶ້ນຢູ່ບັນດາແຂວງໂດຍສະເພາະຢູ່ແຂວງໄຊຍະບູລີ ເຮັດໃຫ້ຜູ້ຖືກຜົນກະທົບຈາກໄພພິບັດໄດ້ຮັບການຊ່ວຍເຫລືອແລະ ຟື້ນຟູທັນສະພາບການ.
ນອກນີ້, ສປປ ລາວ ຍັງໄດ້ຮ່ວມມືກັບ ອາຊຽນ ແລະ ສາກົນ ເປັນຕົ້ນສໍາເລັດການລົງນາມໃນບົດບັນ ທຶກຄວາມເຂົ້າໃຈລະຫວ່າງຄະນະກຳມະການຄຸ້ມຄອງໄພພິບັດ ສປ ຈີນ ແລະ ຄະນະກຳມະການຄຸ້ມຄອງໄພພິບັດຂັ້ນສູນກາງ ເພື່ອຮ່ວມມືຄຸ້ມຄອງໄພພິບັດ, ໄດ້ເຂົ້າຮ່ວມກອງປະຊຸມທາງໄກຄະນະກໍາມະການຄຸ້ມຄອງໄພພິບັດອາຊຽນ ແລະ ກອງປະຊຸມປິ່ນອ້ອມອື່ນໆທັງພາກພື້ນສາກົນ ພ້ອມທັງໄດ້ຮັບການສະໜັບສະໜູນຈາກອົງການຈັດຕັ້ງສາກົນໃນການປ້ອງກັນ, ຄວບຄຸມ ແລະ ຫລຸດຜ່ອນຄວາມສ່ຽງໄພພິບັດນຳອີກ.
