ອາເມລິກາ ປະກາດອະນຸມັດໃຊ້ວັກຊີນ Moderna ໄດ້ຢ່າງເຕັມຮູບແບບ

ວັກຊີນປ້ອງກັນໂຄວິດ-19 ຂອງ Moderna ໄດ້ຮັບອະນຸມັດເຕັມຮູບແບບໃນອາເມລິກາ ເປັນຊະນິດທີ 2 ຕໍ່ຈາກ Pfizer.

ວັນທີ 1 ກັນຍາ 2022, ສຳນັກຂ່າວຕ່າງປະເທດລາຍງານວ່າ: ອົງການຄະນະກຳມະການອາຫານ ແລະ ຢາຂອງອາເມລິກາ (FDA) ປະກາດອະນຸມັດໃຫ້ໃຊ້ວັກຊີນປ້ອງກັນພະຍາດໂຄວິດ-19 ຂອງ Moderna ໄດ້ຢ່າງເຕັມຮູບແບບແລ້ວ ຫລັງຈາກກ່ອນໜ້ານີ້ເປັນການອະນຸມັດໃຫ້ນຳໃຊ້ໃນກໍລະນີສຸກເສີນມາແຕ່ເດືອນທັນວາ 2020.

Moderna ເປັນວັກຊີນຊະນິດທີ 2 ທີ່ FDA ອະນຸມັດເຕັມຮູບແບບ. ຂະນະທີ່ວັກຊີນຂອງ Pfizer ໄດ້ຮັບອະນຸມັດໄປແຕ່ເດືອນສິງຫາ 2021.

ສາເຫດທີ່ວັກຊີນຂອງ Moderna ໄດ້ຮັບການອະນຸມັດຊ້າກວ່າເຖິງ 5 ເດືອນ ເກີດຈາກລາຍງານເລື່ອງຜົນຂ້າງຄຽງ ໂດຍສະເພາະອາການກ້າມຊີ້ນຫົວໃຈອັກເສບໃນກຸ່ມຜູ້ຊາຍອາຍຸນ້ອຍ ເຮັດໃຫ້ຕ້ອງໃຊ້ເວລາໃນການພິຈາລະນາດົນຂຶ້ນ.

ແຕ່ຫລັງຈາກ FDA ປະກາດອະນຸມັດແລ້ວ ຕໍ່ຈາກນີ້ທາງບໍລິສັດສາມາດຈຳໜ່າຍວັກຊີນໄດ້ໂດຍບໍ່ຕ້ອງຜ່ານຂໍ້ກຳນົດຕ່າງໆທີ່ຖືກລະບຸໄວ້ສຳລັບການນຳໃຊ້ໃນກໍລະນີສຸກເສີນ ໂດຍຈະໃສ່ຊື່ທາງການຄ້າວ່າ: Spikevax.

ເຈເນດ ວູດຄ໊ອກ ຮັກສາການປະທານ FDA ຫວັງວ່າການອະນຸມັດຄັ້ງນີ້ຈະຊ່ວຍເພີ່ມຄວາມໝັ້ນໃຈໃຫ້ຜູ້ທີ່ເຂົ້າຮັບການສັກວັກຊີນໄດ້.

ປັດຈຸບັນວັກຊີນປ້ອງກັນໂຄວິດ-19 ຂອງ Moderna ໄດ້ຮັບການອະນຸມັດໃຫ້ນຳໃຊ້ໃນ 70 ກວ່າປະເທດ ແລະ ຈັດສົ່ງໄປທົ່ວໂລກ 800 ລ້ານກວ່າໂດສ.

ອ້າງອີງ:

https://www.washingtonpost.com/…/covid-omicron-variant…/

https://edition.cnn.com/…/moderna-covid…/index.html

https://www.reuters.com/…/moderna-receives-full-us…/