ໄນກີ ປະກາດຕັດຄວາມສຳພັນກັບ ກຣີນວູດ ຫລັງມີຄະດີອັນໂຫດຮ້າຍ
ແບຣນສິນຄ້າຊື່ດັງ (NIKE) ຕັດສິນໃຈຢຸດຄວາມສຳພັນກັບນັກເຕະພຶດຕິກຳຈອມໂຫດຂອງທີມແມນເຊສເຕີ ຢູໄນເຕັດ ຮຽບຮ້ອຍແລ້ວ ຫລັງຕົກເປັນຜູ້ຕ້ອງຫາໃນຄະດີທຳຮ້າຍຮ່າງກາຍແຟນສາວ.
ເມສັນ ກຮີນວູດ ຕົກເປັນຂ່າວດັງທົ່ວເກາະອັງກິດອີກເທື່ອຫນຶ່ງ ຫລັງຖືກ ແຮຣຽດ ຣ໊ອບສັນ ແຟນສາວນາງແບບຊື່ດັງ ອອກມາເປີດເຜີຍພາບ ແລະ ວີດີໂອ ຫລັງຖືກທຳຮ້າຍຮ່າງກາຍ ເຮັດໃຫ້ນັກເຕະດັງອາຍຸ 20 ປີ ຕົກເປັນຈຳເລີຍສັງຄົມ ແລະ ຖືກເຈົ້າຫນ້າທີ່ຕຳຫລວດຄວບຄຸມຕົວຢູ່ໃນຂະນະນີ້.
ເຮັດໃຫ້ຫລ້າສຸດ ໄນກີ (NIKE) ຜະລິດຕະພັນສິນຄ້າກິລາຊື່ດັງຈາກສະຫະລັດ ອາເມລິກາ ບໍ່ໄດ້ນິ້ງນອນໃຈກ່ຽວກັບເຫດການທີ່ເກີດຂຶ້ນ ປະກາດຕັດຄວາມສຳພັນຊົ່ວຄາວກັບ ກຣີນວູດ ຈົນກວ່າຄະດີດັ່ງກ່າວຈະສິ້ນສຸດລົງ.
‘‘ ເຮົາໄດ້ລະງັບຄວາມສຳພັນກັບ ເມສັນ ກຣີນວູດ ຮຽບຮ້ອຍແລ້ວ ແລະ ຮູ້ສຶກກັງວົນເປັນຢ່າງຫລາຍ ກ່ຽວກັບຂໍ້ກ່າວຫາດັ່ງກ່າວ ລວມເຖິງຈະມີການຕິດຕາມສະຖານະການຢ່າງໃກ້ຊິດຕໍ່ໄປ ’’ ໄນກີ ກ່າວຜ່ານຖະແຫລງການເມື່ອວັນຈັນທີ່ຜ່ານມາ.
ຂະນະທີ່ ແມນເຊສເຕີ ຢູໄນເຕັດ ໃນຖານະຕົ້ນສັງກັດ ນອກຈາກຈະສັ່ງຫ້າມເດັກປັ້ນອາຍຸ 20 ປີອອກຈາກທີມຊົ່ວຄາວແລ້ວ ຍັງໄດ້ສັ່ງລະງັບການຂາຍສິນຄ້າທີ່ກຽວກັບ ເມສັນ ກຣີນວູດ ເຊັ່ນດຽວກັນ.
