ແມນຢູ ສົ່ງ ແຣສຟອດ ແລກ 3 ນັກເຕະ ເປແອສເຊ ໃນການຊື້ຂາຍສະລັບຂົ້ວ

ຄານາລ ສື່ໃນປະເທດຝຣັ່ງ ອອກມາເປີດເຜີຍຄວາມຄືບຫນ້າເຖິງກະແສຂອງການຊື້ຂາຍລະຫວ່າງ ປາຣີ ແຊັງແຊັກແມັງ ທີ່ຕ້ອງການຈະຄວ້າ ມາຄັສ ແຣສຟອດ ດາວຍິງຂອງ ແມນເຊສເຕີ ຢູໄນເຕັດ ຮ່ວມທີມໃນໄລຍະຫລົງຈົບລະດູການນີ້.

ໂດຍມີລາຍງານວ່າ ຄະນະບໍລິຫານຂອງ ແມນເຊສເຕີ ຢູໄນເຕັດ ຕ້ອງການ 3 ນັກເຕະຈາກຝັ່ງຂອງທີມດັງຝຣັ່ງ ຫາກຕ້ອງການທີ່ຈະໄດ້ຕົວ ມາຄັສ ແຣສຟອດ ຕ້ອງສົ່ງ ອັນເດ ເອີເຣຣາ, ມາໂກ ແວຣັດຕ ກອງກາງປະສົບການຫລາຍ ແລະ ຄໍຣິນ ດັກບາກອງຫລັງຂອງທີມ ເປແອສເຊ ເພື່ອຍ້າຍສະລັບຂົ້ວໃນການຄັ້ງນີ້.

ສຳລັບ ມາຄັສ ແຣສຟອດ ຖືເປັນນັກເຕະຄົນສຳຄັນຂອງແມນຢູ ນັບຕັ້ງແຕ່ແຈ້ງເກີດໃນປີ 2015 ໂດຍນັກຢູ່ກັບທີມມາຢ່າງຍາວນານຫລາຍປີ ໂດຍຜົນງານຂອງລາວໃນລະດູການນີ້ຍິງໄປ 5 ປະຕູ ກັບອີກ 1 ແອສຊິສ ຈາກການລົງຫລິ້ນ 17 ນັດໃນທຸກລາຍການ.

ປັດຈຸບັນລາວເຫລືອສັນຍາກັບທີມອີກປະມານ 1 ປີເຄິ່ງ ຫລືສັນຍາຈະຫມົດລົງໃນປີ 2023 ແລະ ຕົວເລືອກສາມາດຂະຫຍາຍສັນຍາເພີ່ມໄດ້ອີກ 1 ປີ.