ບາເຊໂລນາ-ຢູເວນຕູສ ຍື່ນຂໍ້ສະເຫນີຢືມໂອບາເມຢອງ

ອາເຊນອລ ໄດ້ຮັບຂໍ້ສະເຫນີຈາກ ຢູເວນຕູສ ແລະ ບາເຊໂລນາ ທີ່ຫວັງດຶງ ປີແອ ເອເມີຣິກ ໂອບາເມຢອງ ໄປຮ່ວມທີມແບບຢືມຕົວ.

ບາເຊໂລນາ ແລະ ຢູເວນຕູສ ຍື່ນຂໍ້ສະເຫນີມາເຖິງ ອາເຊນອລ ແລ້ວ ເພື່ອຂໍຢືມຕົວ ໂອບາເມຢອງ ກອງຫນ້າທີມຊາດກາບອງ ໄປໃຊ້ງານຈົນຈົບລະດູການນີ້ ຕາມລາຍງານຈາກ ດິ ແອດເລຕິກ ສື່ອັງກິດ ເມື່ອວັນສຸກທີ 28 ມັງກອນທີ່ຜ່ານມາ.

ດາວຍິງອາຍຸ 32 ປີ ຫມົດອະນາຄົດກັບ ອາເຊນອລ ໄປແລ້ວ ຫລັງມີບັນຫາເລື່ອງລະບຽບວິໄນຈົນຖືກ ມິເກລ ອາເຕຕ້າ ຜູ້ຈັດການທີມຊາວສະເປນ ປົດອອກຈາກຕຳແຫນ່ງຫົວຫນ້າທີມ ແລະ ຕັດຊື່ຈາກທີມທີ່ໄປເຂົ້າສູນເກັບຕົວທີ່ດູໄບ ລະຫວ່າງການພັກຜ່ອນ.

ນອກຈາກນັ້ນ ອາເຊນອລ ຍັງຫວັງທີ່ຈະຫລຸດຄ່າເມື່ອຍຂອງ ໂອບາເມຢອງ ທີ່ໄດ້ອາທິດລະ 350,000 ປອນ ດ້ວຍການປ່ອຍອອກຈາກທີມ ໃນໄລຍະເປີດຕະຫລາດຊື້ຂາຍນັກເຕະຫນ້າຫນາວເດືອນມັງກອນນີ້.

ຂະນະດຽວກັນ ສື່ດັ່ງກ່າວ ເສີມວ່າ ການຊື້ຂາຍໂອບາເມຢອງ ຂຶ້ນຢູ່ກັບອະນາຄົດຂອງ ອັນບາໂຣ ໂມຣາຕາ ກອງຫນ້າທີມຊາດສະເປນນຳອີກ ໂດຍຫາກຍ້າຍຈາກ ຢູເວນຕຸສ ໄປຢູ່ກັບ ບາເຊໂລນາ ກໍຫນ້າຈະເຮັດໃຫ້ ໂອບາເມຢອງ ມາແທນ.