ມັນຊິນີ ມີໂອກາດຫລາຍນັ່່ງຕຳແຫນ່ງຜູູ້ຈັດການທີມແມນຢູ ຖາວອນ

ໂຣແບໂຕ ມັນຊິນີ ຜູ້ຈັດການທີມຊາວອີຕາລີ ມາແຮງແຊງທາງໂຄ້ງ ເມື່ອມີຊື່ໄດ້ຮັບການແຕ່ງຕັ້ງຄຸມ ແມນເຊສເຕີ ຢູໄນເຕັດ ໂດຍນັກຂ່າວລະບຸວ່າ ມັນຊິນີ ເປັນຕົວເລືອກທີ່ມີໂອກາດໄດ້ນັ່ງຕຳແຫນ່ງໃນ ໂຮງລະຄອນແຫ່ງຄວາມຝັນ.

ໂຣແບໂຕ ມັນຊິນີ ຜູ້ຈັດການທີມທີມຊາດອີຕາລີ ເປັນອີກຕົວເລືອກສຳຄັນທີ່ຈະໄດ້ນັ່ງຕຳແຫນ່ງຜູ້ຈັດການທີມ ແມນເຊສເຕີ ຢູໄນເຕັດ ໃນໄລຍະລະດູການນີ້ ຈາກການເປີດເຜີຍຂອງ ຟາບຣີຊີໂອ ໂຣມາໂນ ນັກຂ່າວຊື່ດັງ.

ແມນຢູ ຍັງມີພາລະກິດສຳຄັນໃນການແຕ່ງຕັ້ງຜູ້ຈັດການທີມຖາວອນ ເພື່ອແທນທີ່ ໂອເລ ກຸນນາ ໂຊລຊາ ເຊິ່ງຖືກປົດອອກໄປ ໂດຍໃນປັດຈຸບັນພວກເຂົາມີ ຣາຟ ຣັງນິກ ຜູ້ຈັດການທີມຊາວເຢຍລະມັນ ເຮັດຫນ້າທີ່ຄຸມທີມຊົ່ວຄາວຈົນຈົບລະດູການນີ້ ກ່ອນຈະເລື່ອນຂຶ້ນໄປຄອງຕຳແຫນ່ງທີ່ປຶກສາ.

ໄລຍະທີ່ຜ່ານມາ ມີຂ່າວກ່ຽວກັບຜູ້ຈັດການທີມຂອງແມນຢູມາໂດຍຕະຫລອດ ທັງ ເມົາຣີຊີໂອ ໂປເຊັດຕີໂນ, ເອຣິກ ແທນ ຮາກ, ຊີເນດິນ ຊີດານ ແລະ ຫລ້າສຸດ ມັນຊິນີ ກໍຕິດໃນລາຍຊື່ເປົ້າຫມາຍທີ່ມີໂອກາດຫລາຍທີ່ສຸດຈະໄດ້ນັ່ງຕຳແຫນ່ງດັ່ງກ່າວ.

ແທ້ຈິງແລ້ວ ມັນຊິນີ ກໍບໍ່ແມ່ນຄົນອື່ນຄົນໄກໃນວົງການບານເຕະອັງກິດ ເພາະລາວເຄີຍນຳແມນເຊສເຕີ ຊິຕີ ຄວ້າແຊ໊ມພຣີເມຍລີກສະໄຫມທຳອິດຂອງສະໂມສອນ  ແລະ ຍັງພາອິຕາລີ ຄວ້າແຊ໊ມ ຢູໂຣ 2020 ຂະນະດຽວກັນຍັງຊ່ວຍອິຕາລີ ໄດ້ຫລິ້ນເພລອອຟ ເພື່ອຄວ້າໂກຕ້າໄປຫລິ້ນບານໂລກ 2022 ທີ່ປະເທດກາຕາທ້າຍປີນີ້.