ໄລຍະ 5 ປີຜ່ານມາ ແຂວງວຽງຈັນ ລົງວິໄນສະມາຊິກພັກ, ລັດຖະກອນ 216 ສະຫາຍ
January 25, 2022 - 5:13 PM
ໃນກອງປະຊຸມວຽກງານຈັດຕັ້ງ, ກໍ່ສ້າງພັກ-ພະນັກງານທົ່ວແຂວງວຽງຈັນ ທີ່ຈັດຂຶ້ນໃນວັນທີ 18 ມັງກອນ 2022 ທີ່ຫ້ອງປະຊຸມໃຫຍ່ຂອງແຂວງ, ທ່ານນາງ ຈັນທະບູນ ໂພສະລາດ ຫົວໜ້າຄະນະຈັດຕັ້ງແຂວງ ໄດ້ລາຍງານວຽກງານກໍ່ສ້າງພັກ-ພະນັກງານ ແລະ ປັບປຸງການຈັດຕັ້ງ 5 ປີຜ່ານມາວ່າ:
ນອກຈາກໄດ້ເອົາໃຈໃສ່ປະຕິບັດນະໂຍບາຍຕໍ່ພະນັກງານ, ລັດຖະກອນ, ທະຫານ, ຕຳຫລວດ ລວມທັງໄດ້ເລືອກເຟັ້ນ, ຍ້ອງຍໍຜູ້ມີຜົນງານດີເດັ່ນ ແລະ ອື່ນໆແລ້ວ, ຍັງໄດ້ສະກັດກັ້ນປາກົດການຫຍໍ້ທໍ້ໃນຖັນແຖວສະມາຊິກພັກ, ພະນັກງານ, ລັດຖະກອນ, ທະຫານ, ຕຳຫລວດຕື່ມອີກ.
5 ປີຜ່ານມາ ໄດ້ລົງວິໄນຕໍ່ສະມາຊິກພັກ, ພະນັກງານ, ລັດຖະກອນ, ທະຫານ, ຕໍາຫລວດ ທີ່ກະທຳຜິດ 216 ຄົນ, ຍິງ 16 ຄົນ, ໃນນີ້ຂັ້ນກ່າວເຕືອນ 42 ຄົນ, ຍິງ 2 ຄົນ, ປົດຕຳແໜ່ງ 9 ຄົນ, ໂຈະຮ່ວມຊີວິດ 38 ຄົນ, ຍິງ 16 ຄົນ ແລະ ອອກຈາກພັກ 125 ຄົນ, ຍິງ 14 ຄົນ.
