ພຣີເມຍລີກ ກຽມພິຈາລະນາປັບກົດທີມຂໍເລື່ອນການແຂ່ງຂັນກໍລະນີຕິດໂຄວິດ

ເດລີ ເມລ ສື່ໃນປະເທດອັງກິດ ລາຍງານວ່າ ພຣີເມຍລີກ ກຽມພິຈາລະນາປັບປ່ຽນກົດເກນການຂໍເລື່ອນເກມ ໂດຍກຽມປ່ຽນກົດໃຫ້ທີມທີ່ຈະຍື່ນເລື່ອງຂໍເລື່ອນການແຂ່ງຂັນ ຕ້ອງມີນັກເຕະທີ່ມີຜົນກວດໂຄວິດ-19 ໃນທີມເປັນບວກຢ່າງຫນ້ອຍ 4 ຄົນ ຫລັງມີການຫາລືກັນໃນບັນດາສະໂມສອນສະມາຊິກ ແລະ ຄາດວ່າມີເຖິງ 18 ຈາກ 20 ທີມ ທີ່ສະຫນັບສະຫນູນໃຫ້ມີການປັບປ່ຽນກົດດັ່ງກ່າວ.

ໃນກົດປັດຈຸບັນ ທີມທີ່ສາມາດຂໍເລື່ອນການແຂ່ງຂັນໄດ້ ຕ້ອງມີນັກເຕະຊຸດໃຫຍ່ໃນທີມເຫລືອບໍ່ເຖິງ 13 ຄົນ ບວກຜູ້ຮັກສາປະຕູອີກ 1 ຄົນ ຈາກບັນຫານັກເຕະຕິດໂຄວິດ, ບາດເຈັບ, ຕິດໂທດ ລວມເຖິງຕິດພາລະກິດໄປຮັບໃຊ້ທີມຊາດ ສ່ົງຜົນໃຫ້ນັບຕັ້ງແຕ່ໄລຍະເດືອນທັນວາຈົນເຖິງເວລານີ້ ມີການແຂ່ງຂັນຖືກເລື່ອນອອກໄປແລ້ວ 22 ເກມ ເຊິ່ງສ້າງງຄວາມບໍ່ພໍໃຈໃຫ້ກັບຫລາຍໆຝ່າຍ ໂດຍສະເພາະຢ່າງຍິ່ງກໍລະນີ ອາເຊນອລ ຂໍເລື່ອນນັດທີ່ພົບກັບ ທັອດແນມ ຮັອດສະເປີ ໂດຍທີ່ໃນທີມມີນັກເຕະທີ່ມີຜົນກວດພົບເຊື້ອໂຄວິດພຽງ 1 ຄົນ.

ຈາກກໍລະນີດັ່ງກ່າວ ສົ່ງຜົນໃຫ້ 20 ສະໂມສອນສະມາຊິກພຣີເມຍລີກ ໄດ້ເຮັດການຫາລືເພື່ອປັບປ່ຽນກົດດັ່ງກ່າວ ແລະ ຄາດວ່າມີຢ່າງຫນ້ອຍ 18 ທີມທີ່ສະຫນັບສະຫນູນໃຫ້ມີການປ່ຽນແປງໃຫ້ທີມທີ່ຈະຂໍເລື່ອນເກມໄດ້ ຕ້ອງກໍລະນີຕິດໂຄວິດກັບນັກເຕະໃນທີມຢ່າງຫນ້ອຍ 4 ຄົນ ແທນທີ່ກົດເກ່ົາທີ່ອະນຸຍາດໃຫ້ເລື່ອນເມື່ອເຫລືອນັກເຕະບໍ່ຮອດຈຳນວນທີ່ຕັ້ງໄວ້ ໂດຍທີ່ບໍ່ໄດ້ກຳນົດຈຳນວນກໍລະນີຄົນຕິດໂຄວິດໃນທີມແຕ່ຢ່າງໃດ.