ຣານີເອຣີ ມີແວວຖືກປົດ, ຫລັງຄຸມວັດຟອດພຽງ 14 ນັດ

ຜູ້ຈັດການທີມປະສົບການຫລາຍຊາວອີຕາລີ ມີແວວວ່າຈະຕົກງານອີກຮອບ ຫລັງພາວັດຟອດ ສ້າງຜົນງານໄດ້ຢ່າງຫນ້າຜິດຫວັງ ແລະ ຍັງບໍ່ຫາທາງຫນີເຂດຕົກຊັ້ນບໍ່ພົບ.

ເຄລາດີໂອ ຣານີເອຣີ ຖືກດຶງຕົວກັບໃນພຣີເມຍລີກອີກເທື່ອຫນຶ່ງ ດ້ວຍການເຂົ້າມາແທນທີ່ຂອງ ຊິສໂກ ມູນຢອສ ເມື່ອເດືອນຕຸລາທີ່ຜ່ານມາ ດ້ວຍສັນຍາຈົນເຖິງປີ 2023 ແຕ່ຜ່ານງານໂດຍລວມພັດບໍ່ດີຕາມຄະນະບໍລິຫານຄາດຫວັງເອົາໄວ້.

ເຊິ່ງຫລ້າສຸດ ພາຍຫລັງທີ່ ວັດຟອດ ຖືກທີມໃນເຂດຫນີຕົກຊັ້ນຢ່າງ ນໍຣິສ ຊິຕີ

ບຸກມາເອົາຊະນະໄດ້ຄາຖິ່ນ 3-0 ເຮັດໃຫ້ໃຫ້ມີຂ່າວວ່າ ເຄລາດີໂອ ຣານີເອຣີ ອາດຖືກປົດຈາກຕຳແຫນ່ງໃນບໍ່ດົນ.

ເດລີ ເມລ ສື່ຊື່ດັງຂອງອັງກິດ ໄດ້ອ້າງຄຳໃຫ້ສຳພາດຂອງແຫລ່ງຂ່າວວົງໃນສະໂມສອນ ໂດຍລະບຸວ່າຜູ້ບໍລິຫານໄດ້ເລີ່ມຕົ້ນຂະບວນການສັນຫາຜູ້ຈັດການທີມຄົນໃຫມ່ຮຽບຮ້ອຍແລ້ວ ແລະ ຫາກມີຕົວແທນທີ່ເຫມາະສົມ ສະໂມສອນກໍພ້ອມແຍກທາງກັບຜູ້ຈັດການທີມອາຍຸ 70 ປີ ຄົນນີ້ໃນທັນທີ.

ສຳລັບ ເຄລາດີໂອ ຣານີເອຣີ ຄຸມທີມວັດຟອດໄປແລ້ວ 14 ນັດ ແລະ ເກັບໄດ້ພຽງຄະແນນດຽວເທົ່ານັ້ນ ຈາກ 8 ນັດຫລ້າສຸດ ໃນພຣີເມຍລີກ ສົ່ງຜົນໃຫ້ຍັງຄອງຕຳແຫນ່ງຮອງທ້າຍຕາຕະລາງໃນຂະນະນີ້.