ບໍ່ສີດຢາບໍ່ຕ້ອງຫລິ້ນ, ລີກບຣາຊິລ ບັງຄັບນັກເຕະຫລິ້ນເກມລີກຕ້ອງສີດວັກຊີນ
ອົງການບານເຕະບຣາຊິລ ອອກກົດບັງຄັບນັກເຕະທຸກຄົນທີ່ຈະລົງຫລິ້ນເກມລີກລະດູການໃຫມ່ທັງ 4 ດີວີຊັນ ຕ້ອງຜ່ານການສັກວັກຊີນປ້ອງກັນໂຄວິດຄົບໂດສຮຽບຮ້ອຍແລ້ວເທົ່ານັ້ນ.
ສະມາພັນບານເຕະບຣາຊິລ ( CBF ) ອອກມາຢືນຢັນເມື່ອວັນສຸກທີ່ຜ່ານມາ ວ່ານັກເຕະທຸກຄົນທີ່ຈະລົງຫລິ້ນໃນເກມລີກລະດູການໃຫມ່ ທັງ 4 ດີວີຊັນ ຈະເປີດສາກໃນໄລຍະເດືອນເມສານີ້ ຈະຕ້ອງຜ່ານການສັກວັກຊີນປ້ອງກັນເຊື້ອໂຄວິດ-19 ຄົບໂດສແລ້ວເທົ່ານັ້ນ.
ກ່ອນຫນ້ານີ້ ດິເຕ ຜູ້ຈັດການທີມຊາດບຣາຊິລ ຫາກໍຕັດຊື່ ເຣນານ ໂລດີ ກອງຫລັງ ແອັດເລຕີໂກ ມາດຣິດ ອອກຈາກທີມຊາດ ຊຸດເຮັດການແຂ່ງຂັນບານໂລກ 2022 ຮອດຄັດເລືອກທ້າຍເດືອນນີ້ ເນື່ອງຈາກລາວຍັງບໍ່ສີດວັກຊີນບໍ່ຄົບໂດສ ຂະນະທີ່ ສະມາພັນບານເຕະບຣາຊິລ ກໍຢືນຢັນວ່ານັກເຕະທຸກຄົນທີ່ຈະລົງສະຫນາມຫລິ້ນໃນລີກ ຕ້ອງຜ່ານການສີກວັກຊີນຄົບຖ້ວນແລ້ວເທົ່ານັ້ນ ຫລັງຈາກໄດ້ປຶກສາກັບຫນ່ວຍງານສາທາລະນະສຸກທີ່ກ່ຽວຂ້ອງ ແລະ ໄດ້ແຈ້ງຂໍ້ປະຕິບັດດັ່ງກ່າວໃຫ້ສະໂມສອນສະມາຊິກທັງຫມົດຮັບຮູ້ແລ້ວ.
