“ໄປບໍ່ກັບ ຫລັບບໍ່ຕື່ນ ຟື້ນບໍ່ມີ ໜີບໍ່ພົ້ນ” ເຖິງເວລາເຂົ້າໃຈກັນໃໝ່ແລ້ວ
ປະໂຫຍກນີ້ ຄົນສ່ວນຫລາຍເຂົ້າໃຈວ່າ ພະພຸດທະເຈົ້າບອກໃຫ້ ປົງ ວ່າ: ໄປບໍ່ກັບກໍເທົ່າກັບຕາຍ, ຫລັບບໍ່ຕື່ນກໍເທົ່າກັບຕາຍ, ຟື້ນບໍ່ມີກໍເທົ່າກັບຕາຍ ແລະ ໜີບໍ່ພົ້ນກໍເທົ່າກັບວ່າຕາຍແມ່ນບໍ່? ຊຶ່ງຄວາມຈິງ, ພວກເຮົາທັງຫລາຍເຂົ້າໃຈຄວາມໝາຍຜິດໝົດ ເຮົາຄວນຈະສ້າງຄວາມເຂົ້າໃຈໃໝ່ ແລະ ຖືກຕ້ອງ ເພື່ອຈະໄດ້ ບອກສອນລູກຫລານໃຫ້ເຂົ້າໃຈ.
ຄຳວ່າ ໄປບໍ່ກັບ ໝາຍເຖິງການເວລາ ທີ່ໝູນຜ່ານໄປ ບໍ່ມີວັນຫວນກັບ ອະດີດລ່ວງເລີຍໄປແລ້ວ ເຫລືອແຕ່ປັດຈຸບັນ ຄວນໃຊ້ເວລາສ້າງແຕ່ຄວາມດີໃຫ້ກຸ້ມຄ່າກັບຊີວິດ. ຄຳວ່າ ຫລັບບໍ່ຕື່ນ ໝາຍເຖິງ ຄົນທີ່ຍັງຢູ່ກັບ ໂມຫະ (ຄວາມຫລົງ ຄວາມໂງ່ຈ້າ) ຫລົງໃນກິເລດ ສ້າງແຕ່ບາບແຕ່ກຳ ບໍ່ຍອມສ້າງຄວາມດີ ເໝືອນຄົນທີ່ຫລັບໄຫລບໍ່ຍອມຕື່ນຮັບຮູ້ຄວາມຈິງ. ຄຳວ່າ ຟື້ນບໍ່ມີ ໝາຍເຖິງ ສັງຂານເຮົາທີ່ນັບມື້ລ່ວງເລີຍແຕ່ລະມື້ເຮົາບໍ່ສາມາດຢ້ອນຄືນໄປຫາຄວາມໜຸ່ມຄວາມສາວໄວ້ ແລະ ຄຳວ່າ ໜີບໍ່ພົ້ນ ໝາຍເຖິງ ກຳ ທີ່ເຮົາສ້າງມາແຕ່ລະມື້ນັ້ນ ບໍ່ມີມື້ທີ່ເຮົາຈະໜີພົ້ນກຳໄດ້.
ໂດຍລວມແລ້ວ ພວກເຮົາ ບໍ່ປະໝາດການເວລາ ບໍ່ປະໝາດກິເລດ ບໍ່ປະໝາດສັງຂານທີ່ລ່ວງເລີຍໄປ ແລະ ບໍ່ປະໝາດການສ້າງບຸນກຸສົນ ນັ້ນເອງ.
