ອຸທອນບໍ່ຜ່ານ, ໂຣບິນໂຢ ຕິດຄຸກ 9 ປີ ຫລັງລ່ວງລະເມີດສາວສະໄຫມຫລິ້ນໃຫ້ ມິລານ

ໂຣບິນໂຢ ອະດີດກອງຫນ້າຊື່ດັງຂອງ ທີມຊາດບຣາຊິລ ຕ້ອງຕິດຄຸກຍາວນານ 9 ປີ ພາຍຫລັງທີ່ລາວຍື່ນອຸທອນບໍ່ຜ່ານໃນຄະດີທີ່ກໍ່ເຫດລ່ວງລະເມີດທາງເພດສາວຄົນຫນຶ່ງໄລຍະທີ່ຫລິ້ນໃຫ້ກັບ ເອຊີ ມິລານ ສະໂມສອນຊັ້ນນຳ ກັລໂຊ ເຊເຣຍອາ ອິຕາລີ.

ເຫດການດັ່ງກ່າວເກີດຂຶ້ນເມື່ອເດືອນມັງກອນປີ 2013 ເມື່ອ ໂຣບິນໂຢ ເຊິ່ງຂະນະນັ້ນຫລິ້ນໃຫ້ກັບ ເອຊີ ມິລານ ໂດຍມີຫມູ່ອີກຈຳນວນ 6 ຄົນ ກໍ່ເຫດລ່ວງລະເມີດທາງເພດຊາວແອລເບເນຍ ທີ່ຮ້ານບັນເທີງແຫ່ງຫນຶ່ງ ຕອນນັ້ນສານຊັ້ນຕົນໄດ້ພິພາສາເມື່ອປີ 2017 ໃຫ້ນັກເຕະອາຍຸ 36 ປີ ພ້ອມພວກ ຕ້ອງຈຳຄຸກເປັນເວລາ 9 ປີ ກ່ອນທີ່ຈະຖືກປະກັນຕົວອອກມາສູ້ຄະດີ.

ແນວໃດກໍຕາມຫລ້າສຸດ ໂຣບິນໂຢ ລົ້ມເຫລວໃນການຍື່ນອຸທອນຄັ້ງສຸດທ້າຍ ນັ້ນເຮັດໃຫ້ລາວ ແລະ ພວກ ຕ້ອງເຂົ້າຄຸກເປັນໄລຍະເວລາ 9 ປີຄືເກ່ົາ ທັງນີ້ ທາງການຂອງອິຕາລີໄດ້ສົ່ງເລື່ອງໄປຍັງທາງການຂອງບຣາຊິລໃຫ້ນັກເຕະໄດ້ຮັບໂທດໃນປະເທດບ້ານເກີດແທນ ແຕ່ຄຳຂໍຮ້ອງຂໍດັ່ງກ່າວຈະຖືກປະຕິເສດ ນັ້ນເຮັດໃຫ້ຈະຕ້ອງມາເບິ່ງບົດສະຫລຸບອີກເທື່ອຫນຶ່ງວ່າ ສຸດທ້າຍແລ້ວນັກເຕະຈະເຂົ້າໄປຮັບໂທດຢູ່ໃສ.