ຣັງນິກ ເຜີຍສາເຫດເປັນຫຍັງ ຊານໂຊ ຍັງໂຊຟອມບໍ່ໄດ້ດີ

ຣາຟ ຣັງນິກ ຜູ້ຈັດການທີມຊົ່ວຄາວຂອງ ແມນເຊສເຕີ ຢູໄນເຕັດ ເປີດເຜີຍເຖິງສາເຫດທີ່ ຈາດອນ ຊານໂຊ ດາວເຕະທີມຊາດອັງກິດ ຍັງບໍ່ສາມາດໂຊຟອມໄດ້ຫນ້າປະທັບໃຈວ່າຫນຶ່ງໃນເຫດຜົນ ເນື່ອງຈາກການຍ້າຍມາແມນ ຢູໄນເຕັດ ພ້ອມຄ່າຕົວ 73 ລ້ານປອນ.

ຊານໂຊ ລົງຫລິ້ນ 23 ນັດ ແຕ່ຍິງໄປພຽງ 2 ປະຕູ ບໍ່ໄດ້ແອສຊິສຈັກຄັ້ງ, ຣັງນິກ ກ່າວວ່າ ມັນເປັນຄົນລະລີກ ແລະ ລາວພວມຫລິ້ນໃຫ້ກັຫນຶ່ງໃນສະໂມສອນທີ່ໃຫຍ່ທີ່ສຸດໃນໂລກ ມັນກ່ຽວຂ້ອງກັບຫລາຍຢ່າງໃນຫົວຂອງລາວນຳອີກ ມັນແຕກຕ່າງ ຫາກເຈົ້າມາຈາກດອດມຸນໃນຖານະເດັກອັງກິດທີ່ບໍ່ມີຄົນຮູ້ຈັກ ເຈົ້າສາມາດພັດທະນາ ແລະ ສາມາດປະສົບຄວາມສຳເລັດມາຈາກບ່ອນນັ້ນ.

‘‘ ແຕ່ລະດັບຄວາມຄາດຫວັງຈະຕຳ່ກວ່າຫລາຍ ເມື່ອທຽບກັບສະຖານະການທີ່ເຈົ້າມາດ້ວຍຄ່າຕົວທີ່ສູງ ແລະ ຄວາມຄາດຫວັງສູງ ທຸກຄົນຄາດຫວັງວ່າລາວຈະເປັນຫນຶ່ງໃນນັກເຕະທີ່ດີທີ່ສຸດ ນີ້ເປັນສະຖານະການທີ່ທ້າທາຍທັງດ້ານຈິດໃຈ ແລະ ອາລົມຫລາຍກວ່າທີ່ ໂບຣຸສເຊຍ ດອດມຸນ ’’.

‘‘ ມັນມີຂັ້ນຕອນທີ່ລາວຕ້ອງເຮັດເພື່ອກ້າວຂຶ້ນເປັນຜູ້ຫລິ້ນລະດັບ 10 ອັນດັບປີຂ້າງຫນ້າທີ່ສະໂມສອນແຫ່ງນີ້ ເຮົາສາມາດໃຫ້ທິດທາງ ຊ່ວຍເຫລືອລາວ ແລະ ສະແດງໃຫ້ລາວເຫັນວ່າເຮົາພວມພະຍາຍາມຕິດຕາມລາວ ແລະ ໃຫ້ຄວາມຊ່ວຍເຫລືອທີ່ຈຳເປັນທັງຫມົດທີ່ລາວຕ້ອງການ ແຕ່ທ້າຍທີ່ສຸດມັນກໍຂຶ້ນຢູ່ກັບລາວ ’’.

ຣັງນິກ ຢືນຢັນອີກວ່າຈະເປັນຮູບແບບຖາວອນເປັນລະບົບ 4-3-3 ທີ່ເຫມາະກັບປີກຫລາຍກວ່າ 4-2-2-2 ທີ່ລາວເຄີຍໃຊ້ໃນໄລຍະທຳອິດ ແລະ ຊານໂຊ ເຫມາະກັບລະບົບ 4-3-3 ຫລາຍກວ່າ.