ໄວກ່ອນກຳນົດ ປັອກບາ ກັບມາຊ້ອມກັບທີມແລ້ວ.

ພໍລ ປັອກບາ ກອງກາງຂອງ ແມນເຊສເຕີ ຢູໄນເຕັດ ໄດ້ກັບຄືນໄປຝຶກຊ້ອມກັບທີມໄດ້ແລ້ວ ເຊິ່ງໄວກວ່າເວລາທີ່ ຣາຟ ຣັງນິກ ເຄີຍໄດ້ໃຫ້ສຳພາດໄປໃນອາທິດທີ່ຜ່ານມາ.

ກອງກາງທີມຊາດຝຣັ່ງ ບໍ່ໄດ້ຫລິ້ນໃຫ້ກັບຜີສາດແດງເປັນເວລາຫລາຍກວ່າສອງເດືອນເນື່ອງຈາກວ່າຕ້ອງໄດ້ໄປພັກຟື້ນຕົວຈາກການບາດເຈັບຂາທີ່ ດູໃບ. ກ່ອນທີ່ຈະບິນກັບ ແມນເຊສເຕີ ໃນຕົ້ນເດືອນທັນວາປີທີ່ຜ່ານມາ ແລະ ຄາດວ່າຈະກັບມາຝຶກຊ້ອມກັບທີມໃນເດືອນນີ້.

ແຕ່ອາທິດທີ່ຜ່ານມາ ນາຍໃຫຍ່ຊາວເຢຍລະມັນຂອງທີມ ໄດ້ອອກມາໃຫ້ສໍາພາດວ່າ ປັອກບາ ຕ້ອງໄດ້ພັກຕໍ່ຈົນເຖິງເດືອນກຸມພາ.

ຢ່າງໃດກໍ່ຕາມ, ລ່າສຸດ ຄຣິສເຕຍໂນ ໂຣນັລໂດ້ ໄດ້ໂພສຮູບຂອງລາວໃນລະຫວ່າງການຝຶກຊ້ອມໃນມື້ນີ້ ເຊິ່ງໃນຮູບດັ່ງກ່າວມີ ປັອກບາ ກໍ່ເຫັນໄດ້ວ່າລາວສາມາດກັບໄປຝຶກຊ້ອມກັບທີມໄດ້ ໂຣນັລໂດ້ ແລະ ມາຄັສ ຣັສຟອດ ທີ່ເຄີຍໄດ້ຮັບບາດເຈັບກ່ອນໜ້ານີ້ກໍ່ກັບມາຝຶກຊ້ອມໄດ້ເຊັ່ນກັນ.