ຢໍໂຄວິດ ອາດພາດແຂ່ງຂັນ ເຟຣັນ ໂອເພັນ ຖ້າຍຍັງບໍ່ສີດວັກຊີນ

ໂນວັກ ຢໍໂຄວິດ ນັກເທັນນິສ ມື 1 ຂອງໂລກຊາວເຊີເບຍ ຈະພາດລົງແຂ່ງຂັນເທັນນິສ ໂອເພັນ ແກຣນສະແລມທີ 2 ຂອງປີທີ່ນະຄອນຫລວງປາຣີສ ໄລຍະກາງປີນີ້ ຫາກຍັງບໍ່ຍອມສີກວັກຊີນໂຄວິດ-19 ຈາກການເປີດເຜີຍຂອງກະຊວງກິລາຝຣັ່ງ ທີ່ຫາກໍມີການຜ່ານກົດຫມາຍໃຫມ່ເຊິ່ງໄດ້ຮັບການອະນຸມັດຈາກລັດຖະສະພາທີ່ກຳນົດໃຫ້ປະຊາຊົນຕ້ອງມີໃບຮັບຮອງການສີດວັກຊີນແລ້ວເທົ່ານັ້ນ ເພື່ອເຂົ້າໄປໃນສະຖານທີ່ສາທາລະນະ ເຊ່ັນ : ຮ້ານອາຫານ, ຮ້ານກາເຟ, ໂຮງຮູບເງົາ ແລະ ລົດໄຟເສັ້ນທາງໄກ.

‘‘ ກົດງ່າຍໆ ກໍຄືຈະມີການໃຊ້ບັດຢັ້ງຢືນສັກວັກທັນທີທີ່ມີການປະກາດໃຊ້ກົດຫມາຍໃນສະຖານ ປະກອບການທີ່ຢູ່ພາຍໃຕ້ມາດຕະການດ້ານສຸຂະພາບແລ້ວ  ’’.

‘‘ ສິ່ງນີ້ຈະນຳໄປໃຊ້ກັບທຸກຄົນທີ່ເປັນຜູ້ຊົມ ຫລື ນັກກິລາອາຊີບ  ’’.

‘‘ ຕອນນີ້ ທາບເທົ່າທີ່ ໂຣລັງ ກາຣອສ ມີຄວາມກັງວົນກໍຄືໃນເດືອນພຶດສະພາ ສະຖານະການອາດປ່ຽນແປງລະຫວ່າງຕອນນີ້ເຖິງໄລຍະເວລາດັ່ງກ່າວ ດັ່ງນັ້ນຄ່ອຍມາເບິ່ງກັນ ແຕ່ທີ່ແນ່ນອນທີ່ສຸດວ່າບໍ່ມີການຍົກເວັ້ນ ’’.