ສະພາຄວາມໝັ້ນຄົງສະຫະປະຊາຊາດປະນາມ ສປປ ເກົາຫລີ ທົດລອງຍິງລູກສອນໄຟ

​     ວັນທີ 23 ມີນານີ້, ສະພາຄວາມໝັ້ນຄົງອົງການສະຫະປະຊາຊາດ ໄດ້ອອກຖະແຫຼງການຕໍ່ສື່ມວນຊົນ ໂດຍໄດ້ກ່າວປະມານຢ່າງຮຸນແຮງຕໍ່ ສປປ ເກົາຫຼີ ທີ່ທົດລອງຍິງລູກສອນໄຟ ແລະ ທົດລອງໃຊ້ມໍເຕີຈະຫຼວດໃນຫວ່າງມໍ່ໆມານີ້ ແລະ ເຕືອນໃຫ້ ສປປ ເກົາຫຼີ ຢຸດກິດຈະກໍາຄ້າຍຄືກັນນີ້ອີກ.

ຖະແຫຼງການລະບຸວ່າ: ສະພາຄວາມໝັ້ນຄົງກ່າວຢໍ້າວ່າ: ສປປ ເກົາຫຼີ ຄວນຫຼີກເວັ້ນກິດຈະກຳຕ່າງໆທີ່ຝືນກັບມະຕິທີ່ກ່ຽວຂ້ອງຂອງສະພາຄວາມໝັ້ນຄົງ ລວມທັງການທົດລອງນິວເຄຼຍ, ຄວນເຄົາລົບພັນທະຂອງຕົນຢ່າງຮອບດ້ານ. ສະພາຄວາມໝັ້ນຄົງກ່າວຢໍ້າເຖິງຄວາມສຳຄັນຂອງການຮັກສາສັນຕິພາບ ແລະ ສະຖຽນລະພາບຂອງແຫຼມເກົາຫຼີ ແລະ ອາຊີຕາເວັນອອກສຽງເໜືອ ແລະ ສະແດງຄວາມຍິນດີທີ່ຕ້ອນຮັບສະມາຊິກສະພາຄວາມໝັ້ນຄົງອົງການສະຫະປະຊາຊາດ ແລະ ປະເທດອື່ນໆບັນລຸແຜນການແກ້ໄຂບັນຫາໂດຍສັນຕິ ແລະ ຮອບດ້ານໂດຍຜ່ານການເຈລະຈາກັນ. ສະພາຄວາມໝັ້ນຄົງກ່າວເນັ້ນວ່າ: ຄໍາໝັ້ນສັນຍາການປອດນິວເຄຼຍຢ່າງຈິງໃຈຂອງ ສປປ ເກົາຫຼີ ມີຄວາມສໍາຄັນຫຼາຍ ແລະ ການທຳຄວາມພະຍາຍາມເພື່ອຫລຸດຜ່ອນສະຖານະການທີ່ເຄັ່ງຕຶງຢູ່ແຫຼມເກົາຫຼີ ແລະ ພາກພື້ນອື່ນໆກໍມີຄວາມ ສຳຄັນເຊັ່ນດຽວກັນ.

ໂຄສົກກະຊວງການຕ່າງປະເທດ ສປປ ເກົາຫຼີ ກ່າວໃນວັນທີ 24 ມີນານີ້ວ່າ: ປະເທດເກົາຫຼີຕົກລົງຈະບໍ່ເຂົ້າຮ່ວມກອງປະຊຸມຂອງສະຫະປະຊາຊາດກ່ຽວກັບການເຈລະຈາສັນຍາເກືອດຫ້າມໃຊ້ອາວຸດນິວເຄຼຍທີ່ຈະຈັດຂຶ້ນໃນໄວໆ