ຮັງນິກ ເຜີຍສາເຫດບໍ່ມີຊື່ ໂຣນັລໂດ ເກມເອັຟເອ ຄັບ
ແມນເຊສເຕີ ຢູໄນເຕັດ ສາມາດຜ່ານເຂົ້າຮອບ 4 ການແຂ່ງຂັນບານເຕະ ເອັຟເອ ຄັບ ໄດ້ສຳເລັດ ຫລັງສາມາດເປີດບ້ານເອົາຊະນະ ແອສຕັນ ວິລາ ໄປໄດ້ແບບຫວຸດຫວິດ 1-0 ຈາກການຂຶ້ນຫົວຕຳປະຕູໄຊຂອງ ສະກັອດ ແມັກໂທມີເນ.
ເຊິ່ງຫລັງຈົບເກມ ຣາຟ ຣັງນິກ ຜູ້ຈັດການທີມ ແມນເຊສເຕີ ຢູໄນເຕັດ ໄດ້ເປີດເຜີຍສາເຫດທີ່ບໍ່ໄດ້ໃສ່ຊື່ ຄຣິສຕຽນໂນ ໂຣນັລໂດ ລົງສະຫນາມໃນເກມນີ້ວ່າ ເປັນເພາະນັກເຕະມີອາການບາດເຈັບລົບກວນ ເຮັດໃຫ້ບໍ່ຢາກສ່ຽງໃຫ້ລົງຫລິ້ນ ເຊ່ັນດຽວກັບອີກຫນຶ່ງກອງຫນ້າຄ່າຕົວແພງຢ່າງ ເຈດອນ ຊານໂຊ.
“ມື້ວານຂ້ອຍໄດ້ເວົ້າກັບ ໂຣນັລໂດ ກ່ອນການຊ້ອມ ແລະ ເຂົາໄດ້ບອກກັບຂ້ອຍວ່າມີບາງບັນຫາບາງຢ່າງເກີດຂຶ້ນໃນໄລຍະສອງສາມມື້ທີ່ຜ່ານມາ ເຊິ່ງມັນເປັນບັນຫາເລັກໆນ້ອຍໆ ແຕ່ໃນທີ່ສຸດພວກເຮົາໄດ້ຕັດສິນໃຈວ່າ. ຈະບໍ່ຍອມສ່ຽງໃນເກມນີ້ ນັ້ນອາດຈະໃຊ້ເວລາເຖິງ 120 ນາທີ.”
“ລາວມີບັນຫາກ່ຽວກັບກະໂພກ. ແລະ ພວກເຮົາໄດ້ຕັດສິນໃຈວ່າມັນຈະດີກວ່າ. ຖ້າລາວຈະບໍ່ຫລິ້ນໃນເກມນີ້ ແຕ່ຂ້ອຍບໍ່ຄິດວ່າມັນເປັນເລື່ອງຮ້າຍແຮງ,” ຣັງນິກ ກ່າວ.
ແມນເຊັສເຕີ ຢູໄນເຕັດ ມີຄິວຈະພົບກັບ ແອສຕັນ ວິນລາ ອີກຄັ້ງໃນທ້າຍອາທິດນີ້ ໃນພຣີເມຍລີກ ທີ່ສະໜາມ ວິນລາ ປາກ.
