5 ພຶດຕິກຳທີ່ຕ້ອງຮີບປ່ຽນ ຖ້າບໍ່ຢາກເປັນຄົນນິໄສແບບເກົ່າໃນປີໃໝ່
January 11, 2022 - 5:00 PM
- ຫລິ້ນໂທລະສັບກ່ອນນອນ : ຍິ່ງຫລິ້ນໂທລະສັບຕອນເປີດໄຟຢູ່ຕະຫລອດ ຍິ່ງມີຄວາມສ່ຽງຕໍ່ບັນຫາດ້ານສາຍຕາ.
- ວິທີແກ້ໄຂ : ປິດການແຈ້ງເຕືອນ, ກຳນົດເວລາໃນການໃຊ້ໂທລະສັບກ່ອນຈະເຂົ້ານອນ.
- ມື້ອື່ນຈຶ່ງເຮັດ : ນອກຈາກຈະຕ້ອງແບກຮັບກັບຄວາມກັງວົນໃນສິ່ງທີ່ຍັງເຮັດບໍ່ສຳເລັດແລ້ວ ຍັງຕ້ອງແບກຮັບຄວາມເຄັ່ງຄຽດນຳ.
- ວິທີແກ້ໄຂ : ກຳນົດເວລາໃຫ້ກັບຕົນເອງວ່າຈະເຮັດໃຫ້ແລ້ວພາຍໃນໄລຍະເວລາເທົ່າໃດ.
- ຂາດຈິດສຳນຶກ : ຍິ່ງໂລກໝູນໄປຂ້າງໜ້າໄວເທົ່າໃດ ຫລາຍຄົນກໍຍິ່ງຂາດຈິກສຳນຶກຫລາຍເທົ່ານັ້ນ ແມ່ນແຕ່ເລື່ອງເລັກໆນ້ອຍໆໃກ້ໂຕ.
- ວິທີແກ້ໄຂ : ສຳຫລວດຕົນເອງຢ່າງຕັ້ງໃຈວ່າມີຂໍ້ຜິດພາດບ່ອນໃດແດ່ ແລະ ຕັ້ງໃຈທີ່ຈະແກ້ໄຂຄວາມຜິດພາດນັ້ນ.
- ຍຶດຕິດຢູ່ກັບເລື່ອງອະດີດ : ເຮັດໃຫ້ເຮົາຕິດຢູ່ກັບຄວາມຮູ້ສຶກອັນບໍ່ດີເກົ່າໆ.
- ວິທີແກ້ໄຂ : ປ່ຽນຄວາມຄິດໃໝ່, ເບິ່ງສິ່ງທີ່ຜ່ານມາແລ້ວໃຫ້ຜ່ານໄປ ແລະ ເກັບສິ່ງເຫລົ່ານັ້ນມາເປັນບົດຮຽນໃນການໃຊ້ຊີວິດຕໍ່ໄປ.
- ບໍ່ມີເປົ້າໝາຍໃນຊີວິດ : ຮູ້ຫລືບໍ່ວ່າການທີ່ທ່ານບໍ່ມີເປົ້າໝາຍໃນຊີວິດເລີຍ ອາດເຮັດໃຫ້ປ່ວຍເປັນອາການຊຶມເສົ້າໄດ້.
- ວິທີແກ້ໄຂ : ເລີ່ມຈາກກຳນົດເປົ້າໝາຍນ້ອຍໆໃນໄລຍະເວລາສັ້ນໆ ເມື່ອເຮັດສຳເລັດແລ້ວກໍຕັ້ງເປົ້າໝາຍຂັ້ນຕໍ່ໄປ ຄ່ອຍໆໄປເທື່ອລະຂັ້ນ ບໍ່ກົດດັນຕົນເອງຫລາຍເກີນໄປ.
