ປາຣິສ ທຸ້ມເງິນຄ່າເມື່ອຍ ລໍ້ໃຈ ຣູດິເກິ ຍ້າຍຮ່ວມທັບ.
ປາຣີສ ແຊັງ-ແຊກແມ໊ງ ພ້ອມທີ່ຈະທຸ້ມເງິນ 6 ລ້ານປອນຕໍ່ປີ ຫວັງໃຫ້ ອັນໂຕນິໂອ ຣູດີເກີ ທີ່ກຳລັງຈະໝົດສັນຍາກັບ ເຊລຊີ ໃນກາງປີນີ້ ປ່ຽນໃຈມາຮ່ວມທີມ, ຫຼັງຈາກທີ່ນັກເຕະມີຕົກເປັນຂ່າວກັບ ຣຽວ ມາດຣິດ ຢ່າງຫນັກ.
ຟຸດ ເມກາໂດ ສື່ແດນນ້ຳຫອມ ລາຍງານວ່າ ປາຣີສ ແຊັງ-ແຊກແມ໊ງ ມະຫາເສດຖີແຫ່ງລີກ 1 ຝຣັ່ງ ພ້ອມທີ່ຈະຈ່າຍເງິນ 6 ລ້ານປອນຕໍ່ປີ ຫຼື ປະມານ 264 ລ້ານບາດ ເພື່ອຊັກຊວນ ອັນໂຕນິໂອ ຣູດີເກີ ຈາກ ເຊລຊີ ໃຫ້ຕັດສິນໃຈເຂົ້າມາຮ່ວມທີມ, ຫຼັງຈາກທີ່ນັກເຕະກຳລັງຈະໝົດສັນຍາກັບຕົ້ນສັງກັດໃນລະດູຮ້ອນນີ້.
ແນວຮັບຈອມແກ່ງ ຍັງບໍ່ສາມາດບັນລຸຂໍ້ຕົກລົງທີ່ຈະຂະຫຍາຍສັນຍາສະບັບໃຫມ່ກັບ ເຊລຊີ ເຮັດໃຫ້ນັບແຕ່ເດືອນມັງກອນເປັນຕົ້ນໄປຈຶ່ງສາມາດເຈລະຈາກັບ ສະໂມສອນອື່ນໆໂດຍບໍ່ໄດ້ຜ່ານຕົ້ນສັງກັດ, ມີລາຍງານວ່ານອກຈາກ ປາຣີສ ແລ້ວຍັງມີ ຣຽວ ມາດຣິດ, ບາເຍິນ ມິວນິກ ແລະ ຢູເວນຕູສ ທີ່ໄດ້ເລີ່ມເຈລະຈາກັບຕົວແທນຂອງນັກເຕະແລ້ວ.
ໂດຍຄາດວ່າຈະເປັນ ຣາຊັນຊຸດຂາວ ເປັນຕົວເຕງທີ່ຈະໄດ້ກອງຫຼັງໄວ 28 ປີ ເຂົ້າມາເສີມທັບຟຣີແບບບໍ່ມີຄ່າຕົວໃນເດືອນກໍລະກົດ, ຢ່າງໃດກໍຕາມ ຫລ້າສຸດ ທີມດັງຂອງຝຣັ່ງເສດ ເຕັມໃຈທີ່ຈະຈ່າຍຄ່າແຮງງານໃຫ້ ນັກເຕະທີມຊາດເຢຍລະມັນເພື່ອ ປ່ຽນໃຈມາຫລິ້ນນຢູ່ ປາກເດິແຟຣງ ແທນ ດ້ວຍຄ່າຈ້າງປະມານ 6 ລ້ານປອນຕໍ່ປີ.
