ເອີນານເດດ ສ້າງສະຖິຕິເປັນດາວຍິງສູງສຸດຂອງ ແມັກຊິໂກ

ຮາເວຍ ເອີນານເດດ ກອງ ໜ້າຄົນເກັ່ງຂອງທີມ ໄບເອີ ເລເວີ ຄູເຊນ ສ້າງສະຖິຕິຍິງປະຕູສູງສຸດ ຕະຫຼອດການໃຫ້ກັບ ທີມຊາດ ແມັກຊິໂກ ໂດຍຍິງໄປແລ້ວ 46 ປະຕູ ເທົ່າສະຖິຕິກ່ອນໜ້າທີ່ ຈາ ເຣດ ບໍເກດຕິ ເຮັດເອົາໄວ້ໃນປີ 2008 ເປັນທີ່ຮຽບຮ້ອຍ ຫລັງຍິງ ໄປ 1 ປະຕູໃນກາານແຂ່ງຂັນ ບານໂລກ 2018 ຮອບຄັດເລືອກ ນັດທີ່ ແມັກຊິໂກ ເອົາຊະນະ ຄອສ ຕາຣິກາ 2-0 ປະຕູ ໃນວັນສຸກ ຜ່ານມາ.

ເອີນານເດດ ຍິງປະຕູໃຫ້ກັບ ແມັກຊິໂກ ຂຶ້ນນຳຕັ້ງແຕ່ນາທີ 7 ດ້ວຍການງັດບານຂ້າມຕົວ ເຄລໍ ນາວາສ ຜູ້ຮັກສາປະຕູຂອງ ຄອສ ຕາຣິກາ ເຂົ້າໄປຢ່າງງົດງາມ ກ່ອນທີ່ ເນສເຕີ ອະເຣົາໂຮ ຈະຫົວ ເອົາຕຳບານໃຫ້ທັບ ແມັກຊິໂກ ຄວ້າໄຊໄປຢ່າງເດັດຂາດ 2-0 ໃນໄລນະທ້າຍເຄິ່ງເວລາທຳອິດ.

ຈາກໄຊຊະນະເຮັດໃຫ້ ແມັກຊິໂກ ເປັນຜູ້ນຳຂອງການ ແຂ່ງຂັນບານໂລກ 2018 ຮອບ ຄັດເລືອກເຂດ ຄອນຄາເຄຟ ຮອບສຸດທ້າຍ ຫລັງເກັບ 7 ຄະ ແນນຈາກ 3 ນັດ.