ໄທສັ່ງຫ້າມການສົ່ງອອກໝູເປັນເວລາ 3 ເດືອນ ເນື່ອງຈາກມີການຂາດແຄນໝູຕະຫລາດພາຍໃນ
January 10, 2022 - 3:36 PM
ອີງຕາມເວັບໄຊຂ່າວ Thai PBS ວັນທີ 6 ມັງກອນ 2022 ຜ່ານມານີ້ ລາຊະກິຈານຸເບກຂາຂອງໄທໄດ້ສະເໜີແຈ້ງການຂອງຄະນະກຳມະການສູນກາງເພື່ອສິນຄ້າ ແລະ ລາຄາບໍລິການ ໃຫ້ຮູ້ວ່າ: ການຜະລິດຊີ້ນໝູພາຍໃນປະເທດໄທໃນປັດຈຸບັນໄດ້ຫລຸດລົງ ແລະ ບໍ່ສາມາດຕອບສະໜອງຕາມຄວາມຕ້ອງການຂອງຕະຫລາດພາຍໃນປະເທດ.
ສະນັ້ນ ຈຶ່ງໄດ້ ຕົກລົງຫ້າມການສົ່ງອອກໝູເປັນເວລາ 3 ເດືອນ ນັບແຕ່ວັນທີ 6 ມັງກອນນີ້ ເປັນຕົ້ນໄປ, ສ່ວນເວລາໃດຈະຟື້ນຟູການສົ່ງອອກນັ້ນຈະໃຫ້ຕັດສິນ ໂດຍອີງຕາມສະພາບການສະໜອງ ແລະ ຄວາມຕ້ອງການ ຢູ່ຕະຫລາດພາຍໃນ ປະເທດ.
ສຳລັບ ປີ 2021, ໄທ ສະໜອງໝູເຂົ້າຕະຫລາດລວມມີ 19 ລ້ານໂຕ, ໃນນັ້ນການບໍລິໂພກພາຍໃນປະເທດລວມມີ 18 ລ້ານໂຕ ແລະ ສົ່ງອອກ 1 ລ້ານໂຕ.
ຄາດວ່າ ຄວາມສາມາດ ການສະໜອງໃຫ້ຕະຫລາດ ໃນປີນີ້ມີພຽງ 13 ລ້ານໂຕ, ຂາດການສະໜອງສຳລັບຕະຫລາດພາຍໃນປະເທດ 5 ລ້ານໂຕ.
