ໄອໂອຊີ ຕົກລົງໃຫ້ ແອລເອ ຈັດການແຂ່ງຂັນໂອແລມປິກ ເກມ 2028
ຄະນະກຳມະການໂອແລມປິກສາກົນ (ໄອໂອຊີ) ປະກາດ ເມື່ອໃນວັນທີ 31 ກໍລະກົດຜ່ານ ມາ ວ່າ ນະຄອນຫຼວງລອສ ແອງ ເຈລິສ ປະເທດສະຫະລັດ ອາເມ ຣິກາ ໄດ້ເຮັດຂໍ້ຕົກລົງເພື່ອເປັນ ເຈົ້າພາບການແຂ່ງຂັນໂອແລມ ປິກ ເກມ ລະດູຮ້ອນ ປະຈຳປີ 2028 ແລ້ວ.
ກ່ອນໜ້ານີ້ມີຂ່າວລືວ່າ ລອສ ແອງເຈລິສ ເຮັດຂໍຕົກລົງ ກັບ ໄອໂອຊີ ສຳລັບການເປັນເຈົ້າ ພາບມະຫະກຳກິລາແຫ່ງຊາດ ໃນອີກ 11 ປີຂ້າງໄດ້ແລ້ວ ແລະ ຫຼ້າສຸດກໍເປັນຢ່າງນັ້ນຈິງ ໂດຍ ທີ່ຄະນະກຳມະການ ໂອແລມປິກ ສາກົນລະບຸວ່າຈະໃຫ້ງົບປະ ມານກັບຝ່າຍຈັດການແຂ່ງຂັນ ເປັນຈຳນວນ 1.8 ພັນລ້ານໂດ ລາ ສະຫະລັດ ນຳອີກ.
ໄອໂອຊີ ພໍໃຈກັບການຕັດ ສິນໃຈຂອງຄະນະກຳມະການໂອແລມປິກສາກົນ ລອສ ແອງເຈລິສ ແລະ ຄະນະກຳມະການພາຣາ ແລມປິກ ເຮົາຍິນດີທີ່ຈະເປີດເຜີຍ ສັນຍາການເປັນເຈົ້າພາບຂອງ ການແຂ່ງຂັນໃນປີ 2028 ໃນໄລ ຍະເວລາທີ່ເໝາະສົມນຳອີກ ໂທ ມັສ ບາກ ປະທານ ໄອໂອຊີ ລະບຸ.
ກ່ອນໜ້າທີ່ ລອສ ແອງເຈ ລິສ ຢາກເປັນເຈົ້າພາບໃນການ ແຂ່ງຂັນໂອແລມປິກ ເກມ 2024 ຫຼາຍກວ່າ ແຕ່ມັນໄປທັບກັບ ຄວາມຕ້ອງການຂອງ ນະຄອນ ຫຼວງປາຣິສ ປະເທດຝຣັ່ງ ສົ່ງ ຜົນໃຫ້ຕ້ອງມີການເຈລະຈາກັນ ແ່ອນທີ່ຈະໄດ້ຂໍສະຫຼຸບວ່າ ລອສ ແອງເຈລິສ ຈະຈັດການແຂ່ງຂັນ ໃນປີ 2028 ເຊິ່ງນັ້ນໝາຍຄວາມ ວ່າ ນະຄອນຫຼວງປາຮິສ ໄດ້ເປັນ ເຈົ້າພາບຂອງມະຫະກຳກິລາ ແຫ່ງຊາດ ໃນອີກ 7 ປີ ຂ້າງໜ້າ ແນ່ນອນ.
ແນວໃດກໍຕາມ ນີ້ຍັງເປັນ ພຽງການເຮັດຂໍ້ຕົກລົງກັນລະ ຫວ່າງ ຄະນະກຳມະການຈັດ ການແຂ່ງຂັນກັບ ໄອໂອຊີ ເທົ່າ ນັ້ນ ໂດຍມັນຕ້ອງລໍຖ້າໃຫ້ມີການ ລົງຄະແນນສຽງຮອບຮອງໃນ ການປະຊຸມສາມັນຂອງ ຄະນະ ກຳມະການໂອແລມປິກສາກົນ ທີ່ນະຄອນຫຼວງລິມ່າ ປະເທດເປຣູ ວັນທີ 13 ກັນຍານີ້ ກ່ອນທຸກຢ່າງ ເຖິງຈະສຳເລັດຢ່າງເປັນທາງ ການ.
