ຊິນາດິນ ຊີດານ ຈະເຂົ້າມາຄຸມ ປາຣິສ ພາຍໃນເດືອນມີນານີ້.

ນັກຂ່າວຊັ້ນນໍາກຸ່ມທໍາອິດ ທີ່ເຄີຍ​ລາຍ​ງານ​ວ່າ ເມສຊີ່ ຍ້າຍ​ຈາກ ​ບາ​ເຊ​ໂລ​ນາ ​ໄປ​ ປາຣີສ ໃນລະດູຮ້ອນທີ່ຜ່ານມາ, ເຊື່ອໝັ້ນວ່າ ຊີດານ ຈະເຂົ້າມາຮັບຕຳແໜ່ງຕໍ່ຈາກ ເມົາລິສຊິໂອ ໂປເຊດຈິໂນ່ ທີ່ ປາກ ເດິ ແຟຣງ.

ແຕ່ອຸປະສັກທີ່ ປາຣີສ ອາດຈະປະເຊີນແມ່ນ ຊີດານ ມີຄວາມຊື່ສັດຕໍ່ສະໂມສອນໃນໄວເດັກຂອງລາວຢ່າງ ມັກເຊິຍ ຄູ່ແຂ່ງ ລີກ 1 ຂອງຝຣັ່ງ ແລະ ນອກຈາກນັ້ນ ຜູ້ຊ່ວຍຂອງລາວ ເດວິດ ເບັດໂຕນີ່ ຍັງເປີດເຜີຍວ່າ ຂ້ອຍບໍ່ຮູ້ວ່າ ຊີດານ ຈະໄປປາຣີສ ຫຼືບໍ່, ແຕ່ຂ້ອຍຮູ້ວ່າລາວຕັດສິນໃຈໄປພັກຜ່ອນຕະຫຼອດປີ ແລະ ຍັງບອກຕື່ມອີກວ່າ ລາວຕ້ອງການພັກຜ່ອນຢ່າງເຕັມທີ່.