ສຕລ ໄດ້ແຕ່ງຕັ້ງ ໄມເຄີນ ໄວ (Michael Weiß) ຄູຝຶກຊາວເຢຍລະມັນ ໄວ 56 ປີ ເຂົ້າມາຄຸມທີມຊາດລາວ ໂດຍເຊັນສັນຍາ 3 ປີ

ໄມເຄິ້ນ ໄວສ໌ ຫົວຫນ້າຄູຝຶກສອນບານເຕະຄົນເຢຍລະມັນໃນໄວອາຍຸ 56 ປີໄດ້ຮັບການແຕ່ງຕັ້ງເປັນຫົວໜ້າຄູຝຶກທີມຊາດລາວ, ໂດຍ ສະຫະພັນບານເຕະແຫ່ງຊາດລາວ ໄດ້ປະກາດແຕ່ງຕັ້ງໃນມື້ນີ້.

ສະຫະພັນບານເຕະແຫ່ງຊາດລາວ ໄດ້ແຕ່ງຕັ້ງທ່ານ ໄມເຄິ້ນ ໄວສ໌ ເປັນຫົວໜ້າຄູຝຶກຄົນໃໝ່ ໂດຍລາວຈະເປັນຜູ້ນໍາພາຝຶກສອນທີມຊາດລາວຊຸດໃຫຍ່ ແລະ ຮຸ່ນອາຍຸບໍ່ເກີນ 23 ປີ, ໂດຍມີໃບປະກາດ UEFA Pro License, ເຊິ່ງໄດ້ເຊັນສັນຍາກັບ ສະຫະພັນບານເຕະແຫ່ງຊາດລາວ ຈົນເຖິງປີ 2024 (2021-2024).

ປະຫວັດຫຍໍ້ຂອງ ທ່ານ ໄມເຄິ້ນ ໄວສ໌ ຜົນງານການຄຸມທີມ ທີ່ເປັນໜ້າປະທັບໃຈກະຄືໃນເມື່ອຕອນທີ່ລາວໄດ້ຮັບຜິດຊອບທີມຊາດ ຟີລິປິນ ຈົນກ້າວຂຶ້ນໄປເຖິງຕໍາແໜ່ງສູງສຸດໃນການຈັດອັນດັບ FIFA ໃນປີ 2012 ແລະ ເປັນທີມອັນດັບທີ 1 ໃນອາຊຽນຕາເວັນອອກສ່ຽງໃຕ້ໃນປີ 2013. ໃນຖານະທີ່ເຄີຍເປັນຄູຝຶກໃຫ້ທີມຊາດມົງໂກລີລາວໄດ້ປັບປຸງເກມການຫຼິ້ນໃຫ້ທຽບກັບລະດັບນາໆຊາດ, ລາວຫັນປ່ຽນປະເທດນ້ອຍທີ່ບໍ່ມີການຫຼິ້ນກິລາບານເຕະຫຼາຍໃຫ້ກ້າວເຂົ້າໄປສູ່ AFC “ປະເທດທີີ່ີມີຄວາມໄຝ່ຝັນຂອງປີ” ໃນທ້າຍປີ 2018. ຫຼັງຈາກ 3 ປີຜ່ານໄປ, ລາວໄດ້ລາອອກຈາກການເປັນຄູຝຶກຂອງ ມົງໂກລີ, ເຊິ່ງເປັນບ່ອນທີ່ລາວໄດ້ຮັບຄວາມເຄົາລົບທີ່ລາວໄດ້ໃຫ້ການສະໜັບໜູນໃນການພັດທະນາກິລາບານເຕະຂອງມົງໂກລີ.

ຄູຝຶກຄົນໃໝ່ ທ່ານ ໄມເຄິ້ນ ໄວສ ສະແດງຄວາມກະຕືລືລົ້ນຢ່າງສູງສໍາລັບຄວາມທ້າທາຍໃໝ່. ເຊິ່ງລາວໄດ້ເວົ້າວ່າ: “ກ່ອນອື່ນຂໍສະແດງຄວາມຂອບໃຈເປັນຢ່າງຍິ່ງຕໍ່ ປະທານ ແລະ ສະຫະພັນບານເຕະແຫ່ງຊາດລາວທີ່ໄວ້ວາງໃຈຂ້າພະເຈົ້າ. ພວກເຮົາໄດ້ມີການສົນທະນາກັນ ແລະ ໄດ້ມີການແລກປ່ຽນທາງດ້ານວິໃສທັດເພື່ອທີ່ຈະນໍາພາບານເຕະລາວກ້າວລະດັບຂຶ້ນໄປອີກ. ຂ້າພະເຈົ້າລໍຄອຍເວລາທີ່ຈະນໍາເອົາປະສົບການຂອງຂ້າພະເຈົ້າໄປສູ່ຜູ້ຫຼິ້ນໄວໜຸ່ມ ໃນຄວາມຄິດຂອງຂ້າພະເຈົ້າການເປັນຄູຝຶກທີມຊາດຄືຕໍາແໜ່ງສໍາຄັນໃນການນໍາພາກິລາບານເຕະຂອງພວກເຮົາໃຫ້ກ້າວໄປຂ້າງໜ້າ. ຍິ່ງໄປກ່ວານັ້ນຂ້າພະເຈົ້າກໍ່ຮູ້ສຶກເປັນກຽດຢ່າງຍິ່ງທີ່ໄດ້ເປັນຄູຝຶກທີມຊາດ ແລະ ລໍຄອຍເວລາທີ່ຈະຮຽນຮູ້ຮັບເອົາວັດທະນະທໍາຂອງປະເທດ. ເຖິງແມ່ນວ່າອັນດັບ ຟີຟາ ຂອງລາວຕໍ່າ, ແຕ່ຈະພະຍາຍາມຈະຊ່ອຍໃຫ້ບານເຕະລາວກ້າວໜ້າໄປເທື່ອລະກ້າວ,” “ຂ້າພະເຈົ້າຈະສ້າງທີມໃຫ້ມີປະສິດທິພາບ ແລະ ໄດ້ຮັບໝາກຜົນສູງ.”

ທ່ານ ວີເພັດ ສີຫາຈັກຣ, ປະທານສະຫະພັນບານເຕະແຫ່ງຊາດລາວ ໄດ້ກ່າວວ່າ: “ການໂອ້ລົມກັບທ່ານ ໄມເຄິ້ນ ໄວສ໌ເປັນການໂອ້ລົມທີ່ມີຄວາມຮ່ວມມື ແລະ ສ້າງສັນຫຼາຍ. ເຂົາຈະນໍາເອົາຄວາມຄິດ ແລະ ປະສົບການໃໝ່ໆມານໍາດ້ວຍ; ພວກເຮົາຫວັງວ່າລາວສາມາດເຮັດໃຫ້ທີຊາດລາວປະສົບຜົນສໍາເລັດເຊັ່ນດຽວກັນ. ການແຕ່ງຕັ້ງ ໄມເຄິ້ນ ໄວສ໌ ເປັນຄູຝຶກໄດ້ສະແດງໃຫ້ເຫັນເຖິງຄວາມຮັບຜິດຊອບ ແລະ ຄວາມມຸ້ງໝັ້ນຂອງ ສະຫະພັນບານເຕະແຫ່ງຊາດລາວ ເພື່ອໃຫ້ໂອກາດທີ່ດີທີ່ສຸດຕໍ່ນັກກິລາຂອງພວກເຮົາໃນຂັ້ນຕໍ່ໄປ.”

ໄມເຄິ້ນ ໄວສ໌ ສໍາເລັດການສຶກສາລະດັບປະລິນຍາຕີດ້ານການບໍລິຫານ ແລະ ວິທະຍາສາດການກິລາທີ່ ມະຫາວິທະຍາໄລ Mainz. ລາວໄດ້ແຕ່ງງານກັບຜູ້ຍິງຄົນຍີ່ປຸ່ນ ແລະ ມີລູກສາວນໍາກັນສອງຄົນ.