ລີເວີພູລ ອາດຍອມປ່ອຍ 2 ນັກເຕະພົ້ນທີມໃນເດືອນນີ້
ສະກາຍ ສະປອດ ສື່ຊື່ດັງຂອງອັງກິດລາຍງານຂ່າວວ່າ ລີເວີພູລ ສະໂມສອນໃຫຍ່ແຫ່ງພຣີເມຍລີກອັງກິດ ອາດຕັດສິນໃຈປ່ອຍ ເນໂກ ວິລລຽມ ກອງຫລັງທີມຊາດເວລ ແລະ ນາທານຽລ ຟີລິບ ກອງຫລັງຊາວອັງກິດ ອອກຈາກຖິ່ນແອນຟິລໃນໄລຍະເປີດຕະຫລາດຊື້ຂາຍນັກເຕະເດືອນມັງກອນນີ້.
ສຳລັບ ວິລລຽມ ອາຍຸ 20 ປີ ຫາກໍລົງຫລິ້ນໃຫ້ ລີເວີພູລ ໄປພຽງ 6 ນັດໃນລະດູການນີ້ ແບ່ງເປັນພຣີເມຍລີກພຽງນັດດຽວ ໂດຍຖືກປ່ຽນລົງມາເປັນຕົວສຳຮອງໄລຍະທ້າຍເກມທີ່ເອົາຊະນະ ວັດຟອດ 5-0 ເມື່ອເດືອນຕຸລາປີກາຍ ດ່ັງນັ້ນ ລາວພວມຊອກຫາທາງທີ່ຈະຍ້າຍທີມເພື່ອໂອກາດລົງຫລິ້ນຢ່າງສະຫມຳ່ສະເຫມີ ແລະ ລີເວີພູລກໍພ້ອມພິຈາລະນາຫາກໄດ້ຮັບຂໍ້ສະເຫນີທີ່ເຫມາະສົມ.
ຂະນະທີ່ ຟິລລິບ ອາຍຸ 24 ປີ ນັ້ນ ເປັນເລື່ອງຍາກທີ່ຈະສອດແຊກເປັນຕົວຈິງ ເນື່ອງຈາກລີເວີພູລມີກອງຫລັງໃຫ້ເລືອກໃຊ້ງານຫລາຍຄົນ ແລະ ຫນ້າຈະເປັນອີກຄົນທີ່ຖືກປ່ອຍອອກຈາກທີມໃນເດືອນນີ້ ຂະນະທີ່ນັກເຕະເອງກໍເຄີຍໃຫ້ສຳພາດໄປແລ້ວວ່າພ້ອມທີ່ຈະຍ້າຍທີມໂດຍ ລີເວີພູລຕັ້ງຄ່າຕົວເອົາໄວ້ທີ່ 15 ລ້ານປອນ ທ່າມກາງຄວາມສົນໃຈຈາກສະໂມສອນໃນພຣີເມຍລີກອັງກິດ ແລະ ກັລໂຊ ເຊເຣຍ ອາ ອິຕາລີ.
