ກະຂວງການເງິນແຈ້ງໃຫ້ປະຕິບັດນະໂຍບາຍ ແລະ ກົນໄກໃໝ່ ຕາມກົດໝາຍວ່າດ້ວຍການປັບປຸງບາງມາດຕາ ຂອງກົດໝາຍກ່ຽວກັບສ່ວຍສາອາກອນ

ກະຊວງການເງິນ ຂໍຖືເປັນກຽດແຈ້ງມາຍັງ ບຸກຄົນນິຕິບຸກຄົນ ແລະ ການຈັດຕັ້ງ ທີ່ເຄື່ອນໄຫວທຸລະກິດ ໃນ ສປປ ລາວ ຊາບວ່າກົດໝາຍວ່າດ້ວຍການປັບປຸງບາງມາດຕາຂອງກົດໝາຍ ກ່ຽວກັບສ່ວຍສາອາກອນ ສະບັບເລກທີ 01/ສພຊລົງວັນທີ 7 ສິງຫາ 2021 ມີຜົນບັງຄັບໃຊ້ນັບແຕ່ວັນທີ 1 ມັງກອນ 2022 ເປັນຕົ້ນໄປ ສະນັ້ນ, ໃຫ້ທຸກພາກສ່ວນທີ່ ກ່ຽວຂ້ອງຈັດຕັ້ງປະຕິບັດ ດັ່ງນີ້

1. ບຸກຄົນນິຕິບຸກຄົນ ແລະ ການຈັດຕັ້ງ ທີ່ເຄື່ອນໄຫວທຸລະກິດ ໃນ ສປປ ລາວ ຕ້ອງຈັດຕັ້ງປະຕິບັດບາງນະໂຍບາຍ ໂດຍສະເພາະແມ່ນອັດຕາອາກອນແຕ່ລະປະເພດທີ່ມີການປັບປຸງ ແລະ ກົນໄກໃໝ່ ຕາມກົດໝາຍວ່າ ດ້ວຍການປັບປຸງບາງມາດຕາຂອງກົດໝາຍກ່ຽວກັບສ່ວຍສາອາກອນ ເລກທີ 01/ສພຊ, ລົງວັນທີ 7 ສິງຫາ 2021 ນັບແຕ່ ວັນທີ 1 ມັງກອນ 2012 ເປັນຕົ້ນໄປ,

2. ບັນດາຫົວໜ່ວຍວິສາຫະກິດ ທີ່ນໍາເຂົ້າ-ສົ່ງອອກສິນຄ້າ ທີ່ມີເງື່ອນໄຂ ແລະ ມາດຖານ (ເອອີໂອ) ຕາມທີ່ໄດ້ກຳນົດ ໄວ້ໃນຄໍາແນະນໍາສະບັບເລກທີ 4490/ກງລົງວັນທີ 14 ກັນຍາ 2021 ໃຫ້ແຈ້ງມອບອາກອນໃນເວລາມີການສະ ໜອງສິນຄ້າຢູ່ພາຍໃນປະເທດ ຕາມທີ່ໄດ້ກຳນົດໄວ້ໃນມາດຕາ 2 ໂລເເມງ ຂອງກົດໝາຍວ່າດ້ວຍການປັບປຸງບາງ ມາດຕາຂອງກົດໝາຍກ່ຽວກັບສ່ວຍສາອາກອນ ສະບັບເລກທີ 01/ສພຊລົງວັນທີ 7 ສິງຫາ 2021 ນັບແຕ່ ວັນທີ 1 ມັງກອນ 2022 ເປັນຕົ້ນໄປ;

3. ບັນດາຫົວໜ່ວຍວິສາຫະກິດ ຈັດຕັ້ງປະຕິບັດອັດຕາອາກອນແຕ່ລະປະເພດທີ່ໄດ້ມີການປັບປຸງ ຕາມກົດໝາຍວ່າ ດ້ວຍການປັບປຸງບາງມາດຕາຂອງກົດໝາຍກ່ຽວກັບສ່ວຍສາອາກອນ ເລກທີ 01/ສພຊ, ລົງວັນທີ 7 ສິງຫາ 2021 ນັບແຕ່ວັນທີ 1 ມັງກອນ 2022 ເປັນຕົ້ນໄປ. ສຳລັບອັດຕາອາກອນປະເພດຕ່າງໆ ທີ່ບໍ່ມີການປັບປຸງ ແມ່ນ ໃຫ້ ສືບຕໍ່ຈັດຕັ້ງປະຕິບັດຕາມທີ່ໄດ້ກຳນົດໄວ້ໃນກົດໝາຍທີ່ກ່ຽວຂ້ອງໃນກໍລະນີ ວິສາຫະກິດໃດ ຫາກບໍ່ສາມາດ ປັບປຸງກົນໄກໃໝ່ໄດ້ທັນກຳນົດເວລາທີ່ກົດໝາຍວ່າດ້ວຍການປັບປຸງບາງມາດຕາຂອງກົດໝາຍກ່ຽວກັບສ່ວຍສາອາກອນມີຜົນບັງຄັບໃຊ້ ໃຫ້ສະເໜີຂະແໜງສ່ວຍສາອາກອນບ່ອນຕົ້ນຂຶ້ນກັບ ເພື່ອຂໍປັບປຸງກົນໄກໃໝ່ດັ່ງກ່າວໃຫ້ ສຳເລັດ ພາຍໃນເດືອນ ມັງກອນ 2022;

4. ບັນດາຫົວໜ່ວຍວິສາຫະກິດ ທີ່ຍັງມີໃບເກັບເງິນອາກອນ ທີ່ນຳໃຊ້ບໍ່ທັນໝົດ ໃຫ້ສະເໜີໄປຍັງຂະແໜງສ່ວຍສາ ອາກອນບ່ອນຕົນຂຶ້ນກັບ ຢັ້ງຢືນເປັນລາຍລັກອັກສອນ ເພື່ອອະນຸຍາດໃຫ້ນໍາໃຊ້ໃບເກັບເງິນດັ່ງກ່າວຕໍ່ໄປ ຈົນກວ່າຈະຖືກນໍາໃຊ້ໝົດ ແລະ ໄດ້ຮັບອະນຸຍາດໃຫ້ພິມ ຫຼື ຊື້ໃບເກັບເງິນໃໝ່ ທີ່ກຳນົດອັດຕາອາກອນທີ່ໄດ້ປັບປຸງ ເປັນຕົ້ນອັດຕາອາກອນມູນຄ່າເພີ່ມ ທີ່ໄດ້ປັບປຸງຈາກອັດຕາ 10% ມາເປັນ 7% ຕາມກົດໝາຍວ່າດ້ວຍ ການປັບປຸງບາງມາດຕາຂອງກົດໝາຍກ່ຽວກັບສ່ວຍສາອາກອນ ເລກທີ 01ສພຊລົງວັນທີ 7 ສິງຫາ 2021;

5. ການແຈ້ງມອບອາກອນ ໃຫ້ແຈ້ງມອບຜ່ານລະບົບ TaRIS ຫຼື ຜ່ານເວບໄຊ taxservice.mof.gov.la ຊຶ່ງ ກົມສ່ວຍສາອາກອນ ໄດ້ປັບປຸງ ແລະ ນຳໃຊ້ລະບົບດັ່ງກ່າວ ຕາມນະໂຍບາຍທີ່ໄດ້ກຳນົດໃນກົດໝາຍວ່າດ້ວຍ ການປັບປຸງບາງມາດຕາຂອງກົດໝາຍກ່ຽວກັບສ່ວຍສາອາກອນ ເລກທີ 01/ພຊລົງວັນທີ 7 ສິງຫາ 2021;
6. ແຈ້ງການສະບັບນີ້ ປ່ຽນແທນແຈ້ງການສະບັບເລກທີ 6518ກງລົງວັນທີ 30 ທັນວາ 2021.

ດັ່ງນັ້ນ, ຈຶ່ງແຈ້ງມາເພື່ອຊາບ ແລະ ພ້ອມກັນຈັດຕັ້ງປະຕິບັດຕາມເນື້ອໃນຂ້າງເທີງໃຫ້ໄດ້ຮັບຜົນດີ,