9 ຂໍ້ ແກ້ໄຂຄວາມຫຍຸ້ງຍາກດ້ານເສດຖະກິດ-ສັງຄົມ
January 6, 2022 - 11:52 AM
ປີ 2022 ນີ້, ລັດຖະບານໄດ້ວາງທິດທາງ 9 ຂໍ້ສູ້ຊົນແກ້ໄຂຄວາມຫຍຸ້ງຍາກດ້ານເສດຖະກິດ ທີ່ໄດ້ຮັບຜົນກະທົບຈາກການລະບາດຂອງພະຍາດໂຄວິດ-19 ເພື່ອຮັບປະກັນໃຫ້ການຜະລິດ-ການບໍລິການ ແລະ ການດໍາລົງຊີວິດຂອງປະຊາຊົນກັບຄືນສູ່ສະພາບປົກກະຕິ, ຮັບປະກັນບໍ່ໃຫ້ເສດຖະກິດຕົກໃນສະພາບວິກິດການທັງເປັນຈັດຕັ້ງປະຕິບັດ 2 ວາລະແຫ່ງຊາດ ຄື ການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ ແລະ ການແກ້ໄຂບັນຫາຢາເສບຕິດໃຫ້ເປັນຮູບປະທໍາ ແລະ ປະສົບຜົນສໍາເລັດຕົວຈິງ.
1. ສືບຕໍ່ຮັກສາສະຖຽນລະພາບດ້ານການເມືອງ, ຮັບປະກັນໃຫ້ມີຄວາມສະຫງົບ ແລະ ເປັນລະບຽບຮຽບຮ້ອຍໃນສັງຄົມຢ່າງໜັກແໜ້ນ, ສ້າງສັງຄົມສາມັກຄີປອງດອງ, ປອດໄພ, ສີວິໄລ ແລະ ຍຸຕິທໍາ.
- ຍູ້ເສດຖະກິດໃຫ້ສືບຕໍ່ຂະຫຍາຍຕົວດ້ວຍຄຸນນະພາບທີ່ດີຂຶ້ນຄຽງຄູ່ກັບການແກ້ໄຂຄວາມຫຍຸ້ງຍາກດ້ານ ເສດຖະກິດການເງິນ-ເງິນຕາຢ່າງແຂງແຮງ ໂດຍການປະຕິຮູບໂຄງສ້າງເສດຖະກິດ ໃຫ້ສົມດຸນຕາມຂົງ ເຂດ, ຂະແໜງການ ແລະ ທ້ອງຖິ່ນ; ຮັບປະກັນການພັດທະນາ ໄປຕາມທິດທີ່ສົມດຸນ, ສີຂຽວ ແລະ ຍືນຍົງ.
- 3.ພັດທະນາຊັບພະຍາກອນມະນຸດ ໃຫ້ມີຄຸນນະພາບດີຂຶ້ນຕື່ມໂດຍການຂະຫຍາຍການເຂົ້າເຖິງການບໍລິ ການຂັ້ນພື້ນຖານຂອງລັດໃຫ້ທົ່ວເຖິງ ແລະ ມີຄຸນນະພາບເພື່ອເປັນປັດໄຈຊຸກຍູ້ການພັດທະນາເສດຖະກິດ -ສັງຄົມ, ພັດທະນາຊົນນະບົດ ແລະ ແກ້ໄຂຄວາມທຸກຍາກຂອງປະຊາຊົນ ໃຫ້ມີຄຸນນະພາບຊີວິດດີຂຶ້ນ.
- 4.ຫັນເປັນອຸດສາຫະກໍາ ແລະ ທັນສະໄໝໃຫ້ໄວ ແລະ ແຂງແຮງກວ່າເກົ່າ ໂດຍສະເພາະໃນຂະແໜງ ການ ແລະ ທ້ອງຖິ່ນທີ່ມີເງື່ອນໄຂ ຕິດພັນກັບການສົ່ງເສີມການຜະລິດ ແລະ ບໍລິການຕາມແລວທາງລົດ ໄຟ ລາວ-ຈີນ, ປັບປຸງການເຊື່ອມໂຍງ ແລະ ເຊື່ອມຈອດພາຍໃນ, ພາກພື້ນ ແລະ ສາກົນ.
- 5.ພັດທະນາເສດຖະກິດທີ່ສະອາດ ແລະ ເປັນມິດຕໍ່ສິ່ງແວດລ້ອມ, ປົກປັກຮັກສາ ແລະ ນໍາໃຊ້ຊັບພະຍາ ກອນທໍາມະຊາດຢ່າງສົມເຫດສົມຜົນ, ປະຢັດ ແລະ ມີປະສິດທິຜົນສູງສຸດຍືນຍົງ ແລະ ຊຸກຍູ້, ສົ່ງເສີມການຜະລິດອຸດສາຫະກໍາຂະໜາດນ້ອຍ ແລະ ກາງ (SMIss), ສ້າງ ແລະ ຂະຫຍາຍຕົວແບບການຜະ ລິດໃຫ້ຫລາຍຂຶ້ນ.
- 6.ຫັນການຄຸ້ມຄອງລັດ, ຄຸ້ມຄອງສັງຄົມ ຕາມລະບຽບກົດໝາຍໃຫ້ໜັກແໜ້ນຂຶ້ນຕື່ມ, ໄປສູ່ຄວາມທັນສະ ໄໝ, ກະທັດຮັດ, ໂປ່ງໃສ, ມີປະສິດທິພາບ ແລະ ຮັບໃຊ້ປະຊາຊົນທີ່ແທ້ຈິງ; ຕັ້ງໜ້າແກ້ໄຂບັນດາຂອດ ຂັ້ນອຸດຕັນ-ຖ່ວງດຶງການບໍລິການຂອງລັດ.
- 7.ເພີ່ມທະວີການຮ່ວມມືກັບບັນດາປະເທດເພື່ອນມິດ ແລະ ຄູ່ຮ່ວມພັດທະນາຕາມຫລັກການຕ່າງຝ່າຍຕ່າງໄດ້ຮັບຜົນປະໂຫຍດ, ເປັນເຈົ້າການເຂົ້າຮ່ວມຂະບວນການເຊື່ອມໂຍງ ແລະ ເຊື່ອມຈອດກັບພາກພື້ນ ແລະ ສາກົນ.
- 8.ສືບຕໍ່ພັດທະນາຊົນນະບົດ ແລະ ແກ້ໄຂຄວາມທຸກຍາກຕິດພັນກັບວຽກງານກໍ່ສ້າງຮາກຖານການເມືອງຕາມ4 ເນື້ອໃນ, 4 ຄາດໝາຍ ແລະ ວຽກງານ 3 ສ້າງໃຫ້ແຂງແຮງ ແລະ ເຂົ້າສູ່ລວງເລິກຂຶ້ນຕື່ມເພື່ອ ສ້າງແຂວງເປັນຫົວໜ່ວຍ ຍຸດທະສາດ, ສ້າງເມືອງເປັນຫົວໜ່ວຍເຂັ້ມແຂງຮອບດ້ານ ແລະ ສ້າງບ້ານເປັນຫົວໜ່ວຍພັດທະນາ ໃຫ້ໄດ້ທັງປະລິມານ ແລະ ຄຸນນະພາບ.
- 9.ສົ່ງເສີມການດໍາລົງຊີວິດປະຈໍາວັນປົກກະຕິແບບໃໝ່ ຂອງປະຊາຊົນ ຕິດພັນກັບການປັບປຸງແບບແຜນວິທີເຮັດວຽກໄປພ້ອມກັບການຍົກສູງຄວາມພ້ອມຕ້ານແລ້ງ-ຕ້ານຖ້ວມ, ໄພພິບັດທໍາມະຊາດ ແລະ ການ ຕອບໂຕ້ພະຍາດລະບາດຕ່າງໆ ເປັນຕົ້ນພະຍາດໂຄວິດ-19 ຢ່າງມີປະສິດທິຜົນ.
