ໄລຍະວັນທີ 3 ຫາ 9 ມັງກອນນີ້ ພາກເໜືອອາກາດຈະເຢັນ ຫາ ໜາວເຢັນ
ໃນໄລຍະໜຶ່ງອາທິດຕໍ່ໜ້າ ວັນທີ 3 ຫາ 9 ມັງກອນ 2022 ມວນອາກາດໜາວຢັນຈາກປະເທດຈີນຈະມີກໍາລັງແຮງເພີ່ມຂຶ້ນຈະແຜ່ລົງມາປົກຄຸມຢູ່ທຸກພາກຂອງປະເທດລາວດ້ວຍກໍາລັງປານກາງ, ສົມທົບກັບກະແສລົມຕາເວັນອອກສຽງເໜືອພັດປົກຄຸມເປັນສ່ວນໃຫຍ່, ຈະເຮັດໃຫ້ອາກາດເຢັນ ຫາ ໜາວເຢັນ ພ້ອມມີໝອກບາງປົກ ຫຸ້ມໃນຕອນກາງຄືນ ຫາ ຕອນເຊົ້າ ແລະ ຈະມີຝົນຕົກເລັກນ້ອຍພ້ອມມີລົມພັດແຮງຢູ່ບາງທ້ອງຖິ່ນ ແລະ ອາກາດ ຈະໜາວເຢັນຫຼາຍພ້ອມມີໝອກໜາປົກຫຸ້ມໃນຕອນເຊົ້າໂດຍສະເພາະຢູ່ແຂວງພາກເໜືອ, ແຂວງໄຊສົມບູນ ແລະ ເຂດພູພຽງບໍລະເວນ.
ຄາດຄະເນສະພາບອາກາດ ໃນແຕ່ລະພາກດັ່ງລຸ່ມນີ້:
ພາກເໜືອດ້ານຕາເວັນອອກ; ໃນໜຶ່ງອາທິດຕໍ່ໜ້າ ອາກາດຈະໜາວເຢັນ ພ້ອມມີໝອກໜາປົກຫຸ້ມໃນຕອນເຊົ້າ ແລະ ຈະມີ ຝົນຕົກຄ່ອຍຢູ່ບາງທ້ອງຖິ່ນເລັກນ້ອຍ ພ້ອມມີລົມພັດແຮງເປັນບາງໂອກາດ ແຂວງ ຜົ້ງສາລີ ແລະ ຫົວພັນ ອຸນຫະພູມຕ່ໍາສຸດ 08 – 10 ອົງສາ ແລະ ສູງສຸດ 19 – 21 ອົງສາ.
ພາກເໜືອດ້ານຕາເວັນຕົກ: ໃນໜຶ່ງອາທິດຕໍ່ໜ້າ ອາກາດຈະໜາວເຢັນ ພ້ອມມີຫມອກບາງປົກຫຸ້ມຢູ່ທົ່ວໄປ ແລະ ຫມອກຫນາ ປົກຫຸ້ມໃນຕອນເຊົ້າ ໂດຍສະເພາະຢູ່ເຂດພູສູງ ແລະ ຮ່ອມພູ ແລະ ຈະມີຝົນຕົກຄ່ອຍ ຢູ່ບາງທ້ອງຖິ່ນ ອຸນຫະພູມຕໍ່າສຸດ 10-12 ອົງສາ ແລະ ສູງສຸດ 29- 31 ອົງສາ.
ນະຄອນຫຼວງວຽງຈັນ; ອາກາດຈະເຢັນ ຫາ ຫນາວເຢັນ ພ້ອມມີໝອກບາງປົກຫຸ້ມໃນຕອນກາງຄືນ ຫາ ຕອນເຊົ້າ ແລະ ຈະມີລົມພັດແຮງ ເປັນບາງໂອກາດຢູ່ບາງບໍລິເວນອຸນຫະພູມຕໍ່າສຸດ 17 – 19 ອົງສາ ແລະ ສູງສຸດ 28- 30 ອົງສາ,
