ແຟນບານ ອິນເຕີ ມິລານ ຕິດປ້າຍປະນາມ ລູກາກູ ຫລັງນັກເຕະຄິດຢາກກັບຄືນທີມ

ພາຍຫລັງທີ່ ໂຣເມລູ ລູກາກູ ດາວຍິງຂອງ ເຊລຊີ ອອກມາໃຫ້ສຳພາດເປີດໃຈເຖິງສາເຫດທີ່ຜົນງານການຫລິ້ນບໍ່ໄດ້ດີຢ່າງທີ່ຄິດ ຫລັັງຈາກຍ້າຍ ອິນເຕີ ມິລານ ດ້ວຍຄ່າໂຕ 97 ລ້ານປອນ ມາໃນໄລຍະລະດູການທີ່ຜ່ານມາ.

ເຊິ່ງນັກເຕະໃຫ້ເຫດຜົນວ່າ ບໍ່ຄວາມສຸກກັບລະບົບທີມຂອງ ໂທມັສ ທູເຄິລ ຜູ້ຈັດການທີມຄົນປັດຈຸບັນທີ່ເລີ່ມຈະມີບາງສິ່ງທີ່ປ່ຽນໄປຈົນເຮັດໃຫ້ລາວຕ້ອງນັ່ງໃນຕັ່ງສຳຮອງຢູ່ຕະຫລອດ ແຕ່ຢ່າງໃດກໍຕາມ ລາວຢືນຢັນວ່າ ດ້ວຍຄວາມເປັນມືອາຊີບ ລາວຢືນຢັນວ່າຈະຂໍສູ້ຕໍ່ໄປ ເຖິງຈະບໍ່ຄ່ອຍມີຄວາມສຸກກໍຕາມ.

ນອກຈາກນີ້ ໃນໄລຍະທ້າຍຂອງການສຳພາດລາວເປີດໃຈວ່າ ລາວຍັງມີຄວາມຮູ້ສຶກດີໆກັບ ອິນເຕີ ມິລານ ແລະ ຝັນວ່າຈັກມື້ຫນຶ່ງຢາກກັບໄປຫລິ້ນທີ່ນັ້ນ ເຖິງຈະຈາກກັນບໍ່ໄດ້ດີຢ່າງທີ່ຄິດເອົາໄວ້ກໍຕາມ ແລະ ລາວໄດ້ເອີ່ຍປາກຂໍໂທດເຖິງແຟນບານຂອງ ອິນເຕີ ມິລານ ທີ່ເຮັດຜິດພາດໄປໄລຍະທີ່ຫລິ້ນຢູ່ກັບທີມ.

ແນວໃດກໍຕາມ ຫລ້າສຸດ ແຟນບານ ອິນເຕີ ມິລານ ໄດ້ຕິດປ້າຍໄວ້ບໍລິເວນອ້ອມເມືອງ ເປີດເຜີຍວ່າແຟນບານຈຳນວນຫລາຍບໍ່ໄດ້ມີຄວາມຕ້ອງການໃຫ້ ລູກາກູ ກັບມາຫລິ້ນກັບສະໂມສອນອີກ ເນື່ອງຈາກ ນັກເຕະຈາກໄປດ້ວຍສາເຫດກ່ຽວກັບເລື່ອງຢາກໄດ້ຄ່າເມື່ອຍທີ່ຫລາຍຂຶ້ນ ຈຶ່ງເຮັດໃຫ້ແຟນບານຈຳນວນຫລາຍທີ່ບໍ່ມີຄວາມສຸກກັບການກະທຳຄັ້ງນີ້.