ຣັງ ນິກ ຖືກໃຈ 4 ປະສານງານແດນຫນ້າ ເກມຖະຫລົ່ມ ເບີນລີ
ພາຍຫລັງຈາກເກມທີ່ ແມນເຊສເຕີ ຢູໄນເຕັດ ເປີດສະຫນາມ ໂອນ ແທຣບຟອດ ເອົາຊະນະ ເບີນລີ ດ້ວຍຄະແນນ 3-1 ໃນເກມສົ່ງທ້າຍປີ 2021 ໃນການແຂ່ງຂັນພຣີເມຍລີກ ອັງກິດ 2021-22.
ໂດຍຫລັງເກມ ຣາຟ ຣັງນິກ ອອກມາໃຫ້ສຳພາດເປີດໃຈເຖິງໄຊຊະນະໃນເກມນີ້ ເຊິ່ງລາວໄດ້ຍົກຍ້ອງ 4 ນັກເຕະໃນແດນຫນ້າ ບໍ່ວ່າຈະເປັນ ເມສັນ ກຣີນວູດ, ຈາດອນ ຊານໂຊ, ຄຣິສຕຽນໂນ ໂຣນັລໂດ ແລະ ເອດີສັນ ຄາວານີ ທີ່ຫລິ້ນໄດ້ຢ່າງກົມກຽວ ແລະ ສາມາດພາທີມເກັບໄຊຊະນະໄດ້ສຳເລັດ.
‘‘ ສ່ວນຕົວຂ້ອຍຜູ້ຫລິ້ນໃນເກມນີ້ມີເຄມີທີ່ເຂົ້າກັນໄດ້ດີຫລາຍ ມີຄຸນນະພາບທີ່ສຸດ ສິ່ງສຳຄັນຄືນັກເຕະພະລັງຫນຸ່ມທີ່ມີພະລັງເຫລືອພໍຕະຫລອດທັງເກມ ທຸກຄົນຫລິ້ນໄດ້ເປັນຢ່າງດີ ໂດຍສະເພາະ ຊານໂຊ, ເມສັນ ກຣິນວູດ, ເອດີສັນ ຄາວານີ ແລະ ຄຣິສຕຽນໂນ ໂຣນັລໂດ ’’.
‘‘ ສຳລັບຂ້ອຍອັນດັບ 4 ໃນຕາຕະລາງຖືວ່າເປັນເປົ້າຫມາຍທີ່ຕຳ່ທີ່ສຸດ ຕອນນີ້ເຮົາບໍ່ເສຍໃຫ້ໃຜມາ 8 ເກມຕິດຕໍ່ກັນ ຂ້ອຍຈະຍັງສຸ່ມໃສ່ທີ່ຜູ້ຫລິ້ນຊຸດປັດຈຸບັນຕໍ່ໄປ ສ່ວນເລື່ອງຂອງຕະຫລາດນັກເຕະຍັງບໍ່ໄດ້ຄິດເອົາໄວ້ ຕະຫລາດຫນ້າຫນາວເຫມາະສຳລັບຖ້າຄຸນສົນໃຈຜູ້ຫລິ້ນທີ່ດີ ມີຄຸນນະພາບໃຊ້ງານໄດ້ເລີຍ ເຊິ່ງຂ້ອຍຈະບໍ່ເວົ້າເຖິງມັນໃນເວລານີ້ ’’.