ນັກວິເຄາະອ້າງ ໂຣນັລໂດ ທຳລາຍຄວາມຫມັ້ນໃຈ 3 ນັກເຕະແມນຢູ ສົ່ງຜົນຕໍ່ທີມດ້ານລົບ
ຫນຶ່ງໃນນັກວິເຄາະບານເຕະ ອອກມາວິຈານ ຄຣິສຕຽນໂນ ໂຣນັລໂດ ດາວຍິງແມນເຊສເຕີ ຢູໄນເຕັດ ພວມທຳລາຍຄວາມຫມັ້ນໃຈຂອງຫມູ່ຮ່ວມທີມ 3 ຄົນ.
ວັນທີ 28 ທັນວາທີ່ຜ່ານມາ ກາບຣຽລ ອັກບອນລາຮໍ ອະດີດກອງຫນ້າຂອງ ແອສຕັນ ວິລລາ ທີ່ຜັນຕົວມາເປັນນັກວິເຄາະບານ ເບິ່ງວ່າ ຄຣິສຕຽນໂນ ໂຣນັລໂດ ກອງຫນ້າຂອງ ແມນເຊສເຕີ ຢູໄນເຕັດ ພວມທຳລາຍຄວາມຫມັ້ນໃຈຂອງ 3 ນັກເຕະຮຸ່ນນ້ອງພາຍໃນທີມ.
ສຳລັບ ແມນເຊສເຕີ ຢູໄນເຕັດ ເຮັດໄດ້ພຽງບຸກໄປສະເຫມີ ນິວຄາສເຊິລ ຢູໄນເຕັດ 1-1 ໃນການແຂ່ງຂັນພຣີເມຍລີກ ອັງກິດ ເມື່ອຄືນວັນຈັນທີ່ຜ່ານມາ ເຊິ່ງຫລັງຈົບເກມ ອັກບອນລາຮໍ ອອກມາວິຈານພາສາກາຍຂອງ ໂຣນັລໂດ ທີ່ມັກຈະສະແດງທ່າທາງບໍ່ພໍໃຈ ເມື່ອ 3 ນັກເຕະຮຸ່ນນ້ອງໃນທີມຢ່າງ ເມສັນ ກຣິນວູດ, ມາຄັສ ແຣສຟອດ ແລະ ຈາດອນ ຊານໂຊ ຈ່າຍບານພາດ ເຊິ່ງເປັນການທຳລາຍຄວາມຫມັ້ນໃຈຂອງທັງ 3 ຄົນ ຕ່າງຈາກ ເອດີສັນ ຄາວານີ ທີ່ມັກຈະໃຫ້ກຳລັງໃຈຮຸ່ນນ້ອງ ແລະ ບອກໃຫ້ເອົາໃຫມ່.
ອັກບອນລາຮໍ ກ່າວວ່າ : ‘‘ ຖ້າເຈົ້າເປັນ ກຣີນວູດ, ແຣສຟອດ ຫລື ຊານໂຊ ແລະ ເຈົ້າຈ່າຍບານ ຫລື ເປີດບານບໍ່ດີ ເມື່ອເຈົ້າເຫັນ ໂຣນັລໂດ ຈະເຫັນວ່າລາວເຮັດທ່າທາງບໍ່ພໍໃຈ ເປັນຫຍັງລາວຕ້ອງເຮັດແບບນັ້ນ ມັນກໍເປັນພຽງໂຊກບໍ່ດີ ຄັ້ງຫນ້າເອົາໃຫມ່ ຄືກັບທີ່ ຄາວານີ ເຮັດໃຫເຫັນຕອນທີ່ລາວລົງມາ ແຣສຟອດ ເຕະພາດ ແລະ ຄາວານີ ຕົບມືໃຫ້ລາວ ແລະ ບອກວ່າ ຄັ້ງຫນ້າເອົາໃຫມ່ ຂ້ອຍເຂົ້າໃຈວ່າ ໂຣນັລໂດ ເປັນຫນ່ຶງໃນນັກເຕະທີ່ດີທີ່ສຸດ ແຕ່ພວກດາວຮຸ່ງຕ້ອງການໃຫ້ນັກເຕະຮຸ່ນໃຫມ່ຊ່ວຍເຫລືອພວກເຂົາ ເມື່ອພວກເຂົາຫລິ້ນບໍ່ໄດ້ດີ ສິ່ງທີ່ ໂຣນັລໂດ ເຮັດ ມັນສົ່ງຜົນໃຫ້ພວກເຂົາມີຄວາມຫມັ້ນໃຈຫລຸດລົງ ຂ້ອຍຮູ້ສຶກວ່າລາວຕ້ອງເຮັດຫຍັງຫລາຍກວ່ານີ້ ເພື່ອຈະເປັນນັກເຕະຄົນສຳຄັນຂອງທີມຢ່າງແທ້ຈິງ ’’.
