ໂຣນັລໂດ-ເມສຊີ ຍັງຄອງຕຳແຫນ່ງດາວຍິງສູງສຸດ ຢູເວນຕຸສ-ບາເຊໂລນາ ປີ 2021
ຄຣິສຕຽນໂນ ໂຣນັລໂດ ແລະ ລີໂອເນລ ເມສຊີ 2 ຊຸບເປີສະຕາແຫ່ງຍຸກ ຍັງຄອງຕຳແຫນ່ງດາວຍິງສູງສຸດຂອງອະດີດຕົ້ນສັງກັດຢ່າງ ຢູເວນຕຸສ ແລະ ບາເຊໂລນາ ຕາມລຳດັບ ເຖິງຈະຍ້າຍສັງກັດອອກມາຕັ້ງແຕ່ໄລຍະລະດູການທີ່ຜ່ານມາແລ້ວກໍຕາມ.
ໂຣນັລໂດ ເຊິ່ງຍາຍກັບມາຫລິ້ນໃຫ້ ແມນເຊສເຕີ ຢູໄນເຕັດ ອີກເທື່ອຫນຶ່ງ ຍິງໃຫ້ ຢູເວນຕຸສໄປເຖິງ 20 ປະຕູໃນປີ 2021 ເຊິ່ງຫລາຍກວ່າ ອັລບາໂຣ ໂມຣາຕາ ທີ່ຕາມມາເປັນອັນດັບ 2 ດ້ວຍຜົນງານ 17 ປະຕູ 3 ໜ່ວຍ ເຖິງ ໂມຣາຕາ ຈະມີໂອກາດສວມເສື້ອຢູເວນຕຸສ ລົງສະຫນາມດົນກວ່າເຖິງ 4 ເດືອນກໍຕາມ.
ສ່ວນ ເມສຊີ ຍິງໃຫ້ ບາເຊໂລນາ ເຖິງ 28 ປະຕູໃນປີ 2021 ເຊິ່ງເທົ່າກັບທີ່ ເມມຟິສ ເດີປາຍ, ເຟຣງກີ ເດິ ຢອງ, ອຸສມານ ເດມເບເລ, ມາຕິນ ເບຣດເວດ ແລະ ອັນຊູ ຟາດ ຍິງລວມກັນໃຫ້ ບາເຊໂລນາ ຫມົດປີ 2021.
ນອກຈາກນີ້ ການໂບມືອຳລາຕົ້ນສັງກັດເກ່ົາຂອງ ໂຣນັລໂດ ແລະ ເມສຊີ ກໍຍັງສົ່ງຜົນຕໍ່ຜົນງານໃນສະຫນາມຂອງ ຢູເວນຕຸສ ແລະ ບາເຊໂລນາ ຢ່າງຫລີກເວັ້ນບໍ່ໄດ້ ໂດຍ ຢູເວນຕຸສ ຄອງອັນດັບ 5 ໃນຕາຕະລາງ ເຊເຣຍ ອາ ລະດູການນີ້ ແລະ ມີຄະແນນຕາມຫລັງທີມນຳ ອິນເຕີ ມິລານ ເຖິງ 12 ຄະແນນ.
