ໄນຈີເຣຍ ຫວັງດຶງ ມູຣິນໂຢ ເປັນຜູ້ຈັດການທີມລຸຍການແຂ່ງຂັນຊີງແຊ໊ມແຫ່ງຊາດແອຟຣິກາ

ວັນເສົາທີ 25 ທັນວານີ້ ເດິ ມິຮເຣີ ສື່ກິລາຊື່ດັງຂອງອັງກິດລາຍງານວ່າ ທີມຊາດໄນຈີເຣຍ ທີມດັງຈາກທະວີບແອຟຣິກາ ໃຫ້ຄວາມສົນໃຈຢາກໄດ້ຕົວຂອງ ໂຈເຊ ມູຣິນໂຢ ຜູ້ຈັດການທີມປະສົບການຫລາຍຈາກ ໂຣມາ ໄປນັ່ງຕຳແຫນ່ງນາຍໃຫຍ່ຂອງທີມ.

ຫລັງຈາກທີ່ ໄນຈີເຣຍ ແຍກທາງກັບ ເຢີນອດ ຣໍ ຜູ້ຈັດການທີມຄົນເກົ່າໄປເມື່ອກາງເດືອນທັນວາທີ່ຜ່ານມາ ແລະ ຍັງຫາຜູ້ຈັດການທີມຄົນໃຫມ່ບໍ່ໄດ້ ໂດຍປັດຈຸບັນມີ ອໍກຸສຕິນ ເອກົວໂວເອັນ ເປັນຜູ້ຈັດການທີມຊົ່ວຄາວ.

ອະມາຈູ ພິນິກ ປະທານສະຫະພັນບານເຕະໄນຈີເຣຍ ອອກມາເປີດເຜີຍຜ່ານສື່ວ່າ ພວກເຂົາກຽມເດີນຫນ້າທາບທາມ ໂຈເຊ ມູຣິນໂຢ ຜູ້ຈັດກການທີມດັງຂອງສະໂມສອນ ໂຣມາ ເຂົ້າມາຄຸມທີມຄົນໃຫມ່ຂອງທີມຊາດໄນຈີເຣຍ ເພື່ອທຳເຮັດການແຂ່ງຂັນແອຟຣິກາ  ຄັບ ອອຟ ເນຊັນ ທີ່ປະເທດແຄເມີຣູນ ຈະເປັນເຈົ້າພາບ ເຊິ່ງຈະເລີ່ມແຂ່ງຂັນໃນໄລຍະເດືອນມັງກອນນີ້.

ປະທານສະຫະພັນບານເຕະໄນຈີເຣຍ ເປີດເຜີຍຜ່ານສື່ໃນບ້ານເກີດວ່າ ‘‘ ສິ່ງທີ່ເຮົາຕ້ອງການຈາກຜູ້ຈັດການທີມຄົນໃຫມ່ຄືເລື່ອງຂອງວິໄນ ແລະ ເຮົາຈະພິຈາລະນາຄວາມຫິວໂຫຍໃນການຄວ້າແຊ໊ມນຳ ເພາະທຸກຢ່າງມີຄວາມຫິວໂຫຍ ທຸກຢ່າງກໍຈະຕາມມາ ແນ່ນອນເຮົາຢາກໄດ້ ມູຣິນໂຢ ແລະ ໄດ້ເຈລະຈາກັບເຂົາແລ້ວ ລັດຖະມົນຕີກິລາພວກເຮົາໄດ້ລົມກັບລາວແລ້ວ ເຊິ່ງມັນກໍບໍ່ຜິດຫຍັງ ຖ້າລາວມີສັກກະຍະພາບພໍທີ່ຈະເຮັດໃຫ້ເຮົາໄດ້ແຊ໊ມ ເນຊັນ ຄັບໄດ້ ເຮົາກໍຈະດຶງລາວເຂົ້າມາທັນທີ  ’’.