ໄທພົບເຊື້ອໂຄວິດ-19 ໂອມິຄຣອນ ສະສົມ 205 ຄົນ ຈາກຄູ່ສາມີພັນລະຍາໜຶ່ງ
ວັນທີ 24 ທັນວາ 2021 ນີ້, ທ່ານ ອະນຸທິນ ຊາດວີຣະກູນ ຮອງນາຍົກລັດຖະມົນຕີ ແລະ ລັດຖະມົນຕີວ່າການກະຊວງສາທາລະນະສຸກ ໃຫ້ສຳພາດພາຍຫລັງການປະຊຸມຄະນະກຳມະການພະຍາດຕິດຕໍ່ແຫ່ງຊາດຄັ້ງທີ 12 ຂອງປີ 2021 ວ່າ: ທາງ ພົອ ປຣະຢຸດ ຈັນໂອຊາ ນາຍົກລັດຖະມົນຕີ ໄດ້ເນັ້ນໃຫ້ອຳນາດການປົກຄອງຈັງຫວັດໃນຖານະປະທານກຳມະການພະຍາດຕິດຕໍ່ຂອງຈັງຫວັດຢູ່ໃນພື້ນທີ່ອອກກວດຄວາມຮຽບຮ້ອຍ, ດັ່ງນັ້ນສາທາລະນະສຸກກໍໄດ້ເນັ້ນໃຫ້ແພດ-ໝໍໃນຈັງຫວັດຕ່າງໆເຝົ້າລະວັງຄວບຄູ່ກັນໄປຫາກພົບກິດຈະກຳທີ່ຜິດກົດລະບຽບຈາກທີ່ຂໍອະນຸຍາດໄວ້ ກໍຕ້ອງດຳເນີນການຍົກເລີກທັນທີ ໂດຍບໍ່ຕ້ອງໃຫ້ຄວາມເກງໃຈໃຜທັງນັ້ນ ເພາະຄືວ່າເຮົາເປີດໃຫ້ແລ້ວກໍຂໍໃຫ້ຮ່ວມມືຕາມລະບຽບ ເພື່ອໃຫ້ທຸກຄົນສະຫລອງຢ່າງປອດໄພ.
ທັງນີ້ ກໍຂໍຄວາມຮ່ວມມືຈາກ ອສມ ໃນການອອກກວດກາຄັດກອງຜູ້ທີ່ເດີນທາງເຂົ້າພື້ນທີ່ກວດຫາເຊື້ອດ້ວຍ ATK ຫາກພົບວ່າຜົນເປັນລົບກໍຍັງຂໍໃຫ້ສັງເກດການຢ່າງຕໍ່ເນື່ອງ ແລະ ກວດຫາເຊື້ອຄືນອີກ ພ້ອມຕ້ອງປະຕິບັດມາດຕະການປ້ອງກັນຕົວເອງ ໂດຍສະເພາະການໃສ່ຜ້າປິດປາກດັງ, ເວັ້ນໄລຍະຫ່າງ ແລະ ລ້າງມືດ້ວຍນ້ຳຢາຂ້າເຊື້ອເປັນປະຈຳ ເພາະຜ່ານມາທຸກຄົນປະຕິບັດໜ້າທີ່ສ່ວນນີ້ໄດ້ເປັນຢ່າງດີ ແລະ ກໍຂໍໃຫ້ທຸກທ່ານດຳເນີນຕໍ່ໄປເພື່ອຄວາມປອດໄພໃນຊຸມຊົນ.
ເມື່ອຖາມວ່າພຶດຕິກຳໃນຄວາມວິຕົກກັງວົນໃນຊ່ວງປີໃໝ່ສາກົນທີ່ຈະມີເຖິງໃນມໍ່ໆນີ້ ເຊິ່ງການຮວມກຸ່ມກັນເປັນອັນຕະລາຍທີ່ສຸດ ຊັດເຈນດ້ວຍການຕິດເຊື້ອໂອມິຄຣອນທີ່ເດີນທາງມາຈາກຕ່າງປະເທດ, ເຮົາຮູ້ຕົ້ນຕໍວ່າມາຈາກໃສນີ້ເປັນສິ່ງທີ່ດີ ແຕ່ຫາກໃຜທີ່ເດີນທາງໄປກັບບ້ານ ກໍຂໍໃຫ້ກວດ ATK ກ່ອນໄປພົບຜູ້ອື່ນ, ຍາດຕິພີ່ນ້ອງ ດັ່ງກໍລະນີຄູ່ສາມີພັນລະຍາ ຈັງຫວັດກາລະສິນ ທີ່ເດີນທາງມາຈາກເອີຣົບ ກວດ RT-PCR ຜ່ານກໍກັບມາ ກາລະສິນ ຕໍ່ຈາກນັ້ນກໍໄປຫາຍາດຕິພີ່ນ້ອງຢູ່່ຈັງຫວັດອຸດອນທານີ ແລ້ວບໍ່ໄດ້ກວດເຊື້ອຊ້ຳອີກ ກໍໄປແພ່ເຊື້ອ 22 ຄົນ ທັງຄອບຄົວ, ພະນັກງານຮ້ານອາຫານ ແລະ ລູກຄ້າໃນຮ້ານ ລວມເຖິງຜູ້ສຳຜັດສ່ຽງສູງຮ່ວມຮ້ອຍຄົນ.
ເຖິງຢ່າງໃດກໍຕາມທັງໝົດແມ່ນເປັນສາຍພັນໂອມິຣອນ ເຮັດໃຫ້ປະເທດໄທພົບຜູ້ຕິດເຊື້ອດັ່ງກ່າວສະສົມ 205 ຄົນ.
ຂໍ້ມູນອີງອີງ
https://www.khaosod.co.th/breaking-news/news_6799706
https://www.matichon.co.th/local/news_3101740
