ຝຣັ່ງ, ຍີ່ປຸ່ນ, ເກຣັກ, ແລະໂຮນລັງ ຊ່ວຍສະໜອງວັກຊີນກວ່າ 1,2 ລ້ານໂດສ໌ແກ່ລາວຜ່ານ covax

ວັນທີ 23 ທັນວາ 2021, ສປປ ລາວ ໄດ້ຮັບວັກຊີນໂຄວິດ-19 ຈໍານວນ 1.275.400 ໂດສ໌ ຈາກປະເທດຝຣັ່ງ, ຍີປຸ່ນ, ເກຣັກ ແລະ ໂຮນລັງຜ່ານໂຄງການ coVAX Facility ເພື່ອຮັບມືກັບພະຍາດລະບາດ, ໂດຍມີ ອົງການອຸຍນີເຊັບ ເປັນຄູ່ຮ່ວມງານໃນການຈັດສົ່ງ ແລະ ນີ້ເປັນຄັ້ງທີ 7 ທີ່ COVAX ໄກ້ຕອບສະໜອງວັກຊິນດັ່ງກ່າວໃຫ້ແກ່ ສປປ ລາວ .

ການຈັດສົ່ງວັກຊີນຄັ້ງນີ້ປະກອບມີ: ວັກຊິນ AstraZenega 192.000 ໂດສ໌ ຈາກປະເທດຝຣັ່ງ, AstraZenera 320.200ໂດສ໌ ຈາກປະເທດຍີ່ປຸ່ນ, ວັກຊີນ Johnson & Jºhnson(J&J) 302.400 ໂດສ໌ ຈາກ ປະ ເທດ ເກຣັກ ແລະ ວັກຊີນ J&J 460.800 ໂດສ໌ ຈາກ ປະເທດ ໂຮນລັງ. ຊຶ່ງນັບແຕ່covaxມີການສະຫນອງວັກຊິນແກ່ລາວ ລວມມີ ເກືອບ 4,3 ລ້ານໂດສ໌ແລ້ວ ຊຶ່ງຈະສາມາດສັກວັກຊີນໃຫ້ພົນລະເມືອງລາວໄດ້ຫຼາຍກວ່າ 40% .

ທ່ານ ດຣ. ໄພວັນ ແກ້ວປະເສີດ ຮອງລັດຖະມົນຕີກະຊວງສາທາລະນະສຸກ ໄດ້ໃຫ້ກຽດຮັບວັກຊີນດັ່ງກ່າວ ທີ່ ສະໜາມບິນສາກົນວັດໄຕ. ການຊ່ວຍເຫຼືອນີ້ ຈະເລັ່ງໃຫ້ ສປປ ລາວ ກ້າວໄປສູ່ເປົ້າໝາຍການສັກຢາວັກຊີນໃຫ້ໄດ້ 70% ຂອງປະຊາກອນໃນທ້າຍປີ 2021 ພ້ອມທັງປະກອບສ່ວນເຂົ້າໃນພາລະກິດຂອງໂຄງການ COVAX ເພື່ອຮັບປະກັນການເຂົ້າເຖິງວັກຊີນປ້ອງກັນພະຍາດໂຄວິດ-19 ຢ່າງເທົ່າທຽມໃນທົ່ວໂລກ.