ລາຍລະອຽດສັນຍາລຸລ່ວງແລ້ວ, ກາມາຣ່າ ກຽມເປັນນັກເຕະໃຫມ່ຂອງແມນຢູ

ບູບາກາ ກາມາຣ່າ ກອງກາງທີມ ໂອລິມປິກ ມາກເຊ ກຽມຍ້າຍມາເປັນນັກເຕະໃຫມ່ຄົນທຳອິດໃນເດືອນນີ້ ຂອງແມນເຊສເຕີ ຢູໄນເຕັດ ຢ່າງແນ່ນອນແລ້ວ ຫລັງມີລາຍງານຂ່າວເຜີຍວ່ານັກເຕະຕົກລົງລາຍລະອຽດຂອງສັນຍາກັບຖິ່ນ ໂອນ ແທຣບຟອດ ໄດ້່ຢ່າງລຸລ່ວງ.

ກາມາຣ່າ ຂຶ້ນມາເປັນເປົ້າຫມາຍຄົນທຳອິດຂອງ ຣາຟ ຣັງນິກ ຜູ້ຈັດການທີມຊາວເຢຍລະມັນແທນທີ່ ອະມາດູ ໄຮດາຣ່າ ກອງກາງທີມ ແອເບ ໄລຊິກ ທີ່ຖືກເຊື່ອມໂຍງກັບ ແມນຢູ ຢ່າງຫນັກມາກ່ອນ ເນື່ອງຈາກນັກເຕະພວມຫມົດສັນຍາກັບຕົ້ນສັງກັດໃນລະດູຮ້ອນນີ້ແລະ ມາດຍ້າຍທີມໄດ້ແບບບໍ່ມີຄ່າໂຕຫລັງຈົບລະດູການ.

ແນວໃດກໍຕາມ ຣັງນິກ ຕ້ອງການຢາກໄດ້ ກາມາຣ່າ ມາຮ່ວມທີມທັນທີໃນໄລຍະເປີດຕະຫລາດເດືອນມັງກອນ ແລະ ພ້ອມຈ່າຍຄ່າໂຕນັກເຕະເຊິ່ງບໍ່ໄດ້ເຫນືອບ່າກວ່າແຮງຂອງສະໂມສອນແຕ່ຢ່າງໃດ.

ຈົນຫລ້າສຸດ ເມື່ອວັນທີ 21 ທັນວາທີ່ຜ່ານມາ ‘‘ເດິ ຊັນ’’ ໄດ້ເປີດເຜີຍວ່າ ແມນເຊສເຕີ ຢູໄນເຕັດ ປະສົບຄວາມສຳງເລັດໃນການຄວ້າຕົວດາວເຕະອາຍຸ 22 ປີ ຢ່າງແນ່ນອນແລ້ວ ຫລັງຕົກລົງສັນຍາສ່ວນຕົວກັບນັກເຕະໄດ້ຢ່າງບໍ່ມີບັນຫາ.

ສຳລັບເລື່ອງຄ່າໂຕນັກເຕະ ແມນເຊສເຕີ ຢູໄນເຕັດ ຈະຈ່າຍໃຫ້ ມາກເຊ 10,2 ລ້ານປອນ ແລະ ເຊື່ອວ່າຈະເຊັນສັນຍາກັບນັກເຕະເປັນເວລາສາມປີເຄິ່ງໄປຈົນເຖິງລະດູການ 2025.

ມີການເປີດເຜີຍວ່າ ຣັງນິກ ຕ້ອງການໄດ້ ກາມາຣ່າ ເນື່ອງ ເນມານຢາ ມາຕິສ ເລີ່ມອາຍຸຫລາຍ ແລະ ຫວັງໃຫ້ກອງກາງຊາວຝຣັ່ງເຂົ້າມາເປັນຄ່ແຂ່ງຍາດຕຳແຫນ່ງກັບ ເຟຣັດ ແລະ ສະກັອດ ແມັກໂທມິເນ.

ສຳລັບ ດອນນີ ຟານ ເດິ ເບັກ ກອງກາງທີມຊາດຮອນແລນ ເຊິ່ງຍ້າຍມາຈາກ ອາແຈັກ ໃນໄລຍະລະດູການ 2020 ດ້ວຍຄ່າຕົວ 35 ລ້ານປອນ ອາດຫມົດອະນາຄົດກັບແມນຢູແລ້ວ ແລະ ຫນ້າຈະຖືກ ຣັງນິກ ປ່ອຍອອກຈາກທີມໃນຕະຫລາດເດືອນມັງກອນນີ້. ເດລີ ເອັກເພຣສ ລາຍງານ.