ບາເຊໂລນາ ກຽມຕໍ່ສັນຍາສະບັບໃຫມ່ກັບ ກາບີ

ບາເຊໂລນາ ທີມໃຫຍ່ແຫ່ງເວທີ ລາ ລີກາ ສະເປນ ກຽມຈັບ ກາບີ ກອງກາງພອນສະຫວັນ ຕໍ່ສັນຍາສະບັບໃຫມ່ອອກໄປຈົນເຖິງປີ 2026 ພ້ອມຂຶ້ນຄ່າເມື່ອຍໃຫ້ສົມກັບລະດັບສີຕີແລ້ວ ຫລັງນັກເຕະກ້າວຂຶ້ນມາເປັນກຳລັງສຳຄັນຂອງທີມໃນລະດູການນີ້.

ກາບີ ອາຍຸ 17 ປີ ເຊິ່ງກ້າວຂຶ້ນມາແຈ້ງເກີດຢ່າງເຕັມຕົວໃນຍຸກຂອງ ໂຣນັລ ຄູມັນ ຜູ້ຈັດການທີມຊາວຮອນແລນ ແລະ ຍັງໄດ້ຮັບຄວາມໄວ້ວາງໃຈຈາກ ຊາບີ ເອີນານເດດ ຜູ້ຈັດການທີມປັດຈຸບັນຂອງບາເຊໂລນາ ເປັນຜົນຜະລິດຈາກທີມເຍົາວະຊົນຂອງ ບາເຊໂລນາ ແລະ ຍັງຮັບຄ່າເມື່ອຍລະດັບເຍົາວະຊົນທີ 1,600 ປອນ.

ແນວໃດກໍຕາມ ກາເດນາ ເຊ ສື່ຊື່ດັງຂອງສະເປນ ລາຍງານວ່າ ກາບີ ພວມຈະກາຍເປັນເສດຖີໃນອີກບໍ່ດົນ ຫລັງ ບາເຊໂລນາ ກຽມມອບສັນຍາໃຫມ່ ພ້ອມຄ່າເມື່ອຍຫລາຍກວ່າເກ່ົາ ແລະຍັງຈະຄ່າເຊັນສັນຍາໃຫ້ເຖິງ 1.7 ລ້ານປອນນຳອີກ.

ນອກຈາກນີ້ ຄ່າຈີກສັນຍາຂອງກາງກາດາວຮຸ່ງທີມຊາດສະເປນ ທີ່ລົງຫລິ້ນໃຫ້ບາເຊໂລນາ ໃນ ລາ ລີກາ ແລະ ແຊ໊ມປຽນ ລີກ ໄປແລ້ວ 21 ນັດ ໃນນັດລະດູການນີ້ ກໍຍັງຈະເພິ່ມຂຶ້ຈາກ ຈາກ 43 ລ້ານປອນ ໃນປັດຈຸບັນຂຶ້ນໄປອີກຫລາຍເທົ່າໂຕເຊັ່ນກັນ.