ຟິລິບເປ ກູຕິນໂຢ ອາດໄດ້ກັບມາວາດລວດລາຍໃນພຣີເມຍລີກອີກຄັ້ງ
ຟິລິບເປ ກູຕິນໂຢ ຍັງຄົງເປັນສຳຮອງຕໍ່ເນື່ອງ ເຖິງວ່າ ບາເຊໂລນາ ຈະປ່ຽນຜູ້ຈັດການໃຫຍ່ຈາກ ໂຣນັລໂດ ຄູມັນ ມາເປັນ ຊາວີ ເຮີນານເດຊ ແຕ່ໃນລະດູການ 2021-22 ທີ່ຜ່ານມາ ມີໂອກາດລົງຫຼິ້ນເປັນໂຕຈິງພຽງ 5 ເກມ ແລະ ຕົວສຳຮອງ 11 ນັດເທົ່ານັ້ນ.
ມາຮອດລ່າສຸດ “The Mirror” ສື່ດັງຂອງອັງກິດກ່າວວ່າ ເນື່ອງຈາກສະຖານະການຂອງບາເຊໂລນາໃນປະຈຸບັນ, ໂຈນ ລາປອລຕາ ຕ້ອງການທີ່ຈະປ່ອຍ ກູຕິນໂຢ ອອກຈາກທີມໂດຍໄວທີ່ສຸດ ເພື່ອເພີ່ມສະພາບຄ່ອງທາງດ້ານການເງິນ.
ລາຍງານກ່າວວ່າ ທີມດັງແຫ່ງແຄວ້ນ ກາຕາຣຸນຍາ ໄດ້ຍື່ນຂໍ້ສະເໜີດາວເຕະໄວ 29 ປີໃຫ້ “ສາລິກາດົງ” ນິວຄາສເຊິນ ຢູໄນເຕັດ ແລະ “ໄກ່ເດ່ຍທອງ” ທັອດແນມ ຮັອດສະເປີ ພິຈາລະນາແລ້ວ ແລະ ຍອມຮັບຂໍ້ສະເໜີໃນຮູບແບບຂາຍຂາດໃນເດືອນມັງກອນນີ້ ແລະ ແບບຍືມໂຕບວກອັອບຊັ່ນຊື້ຂາດໃນຊ່ວງລະດູຮ້ອນນີ້.
ນອກຈາກສອງສະໂມສອນທີ່ມີຊື່ສຽງຂອງອັງກິດແລ້ວ, ຍັງມີ ເອຊີ ມິລານ, ນາໂປລີ ແລະ ລີວ ທີ່ຍັງຈັບຈ້ອງ ກູຕິນໂຢ ໃນຊ່ວງເປີດຕະຫລາດຊຶ້ຂາຍຮອບສອງທີ່ຈະຮອດນີ້ເຊັ່ັນກັນ.
